8 सियोन आ तमी, यरूसलेम, चहिं अङगुर रू खाल पतीक खिं, वोबीस रू खाल पतीक गोठ नु एर ओंथ रे जोरी सत्रुम पुम्चा पुंइसीशो सहर खोदेंशो बाक्ब” दे लोव़ पाप्तु।
9 मुर नेल्ल आन परमप्रभु यावेमी “का निक्शी मुर महेंशो हना, गेपुकी सोदोम नु गोमोररा खोदेंशो दुम्नी वा” देंत। उत्पत्ती १९:२४-२५; रोमी ९:२९
10 सोदोम ङा सासन पाइबपुकी, परमप्रभु यावे आ लोव़ नेनीन। गोमोररा ङा मुरपुकी आंइ परमप्रभु आ शेंशो लोव़ नेनीन।
11 परमप्रभु यावेमी “इन शुश चढ़ेशो आं कली शोर गाक्शो बाक्ब। गो चोशा चढ़ेशो सांड नु थुल्शो बस्तु भाव आन बोंसोमी रूती। गो ब्यफ, पाठा नु क्यारश आन हुश मदाक्नुङ। भजन संग्रह ४०:७-९; हितोपदेस १५:८; येरमीया ६:२०; आमोस ५:२२
12 गे आं ङोंइती जाक्शा, मोदेंशो चढ़ेचा, दे सुम देंम? आं लाङगा मथेक्तीन।
