4 जमाहेन्से पावलसे थेनीगदेदा “यूहन्नासे पिन्बा बप्तिस्मा चा ह्राङ ह्राङला पाप ख्लासी परमेश्वरपट्टि दोःगै भिसी पिन्बा बप्तिस्मा हिन्ना। थेसे ह्राङ भन्दा लिच्छा फेप्खबा म्हिदा विश्वास लउ भिसी म्हिगदेदा लोप्मुबा, थे म्हि येशू हिन्ना” भिसी पाङ्जी।
5 चु ताम थेःसी थेनीगदेसे प्रभु येशूला मिनरी बप्तिस्मा किन्जी।
6 पावलसे थेनीगदेथोरी या थान्माहेन्से थेनीगदेथोरी परमेश्वरला आत्मा फेप्खजी, जमाहेन्से थेनीगदेसे आसेबा ग्योइदेन परमेश्वरग्याम खबा ताम पाङ्जी।
7 थेनीगदे ओस्पन च्युक न्ही ते मुबा।
8 जमाहेन्से पावल ढुक्क तसी यहूदीगदे ह्रुप तबा दिमरी वाङ्सी ला सोमधोना परमेश्वरला य्हुल्साला बारेरी थेनीगदेदेन छ्याम छलफल लबान म्हिगदेदा घोना लजी।
9 तर थेरी कोइ कोइ म्हिगदे अटेरी तसी विश्वास आलना येशूदा विश्वास लबा म्हिगदेला ओन्छाङरी थेरी मुबा समूहला बिरोध लबारी छ्याइजी। थेतबासेलमा पावल थेनीगदेग्याम फेसी चेलागदेदा छ्यामनोन भोर्सी टुरान्नस भिबा ग्लाला स्कूलरी धिन धिननोन छलफल लबारी छ्याइजी।
10 चु गे लबा न्ही दिङ तमा एशियारी चिबा जम्मान यहूदीदेन ग्रीकगदेसे प्रभुला बचन थेःजी।
11 थेरी परमेश्वरसे पावलग्याम म्हिसे लबारी आखम्बा उदेकला गेगदे लजी।
