2 जमाहेन्से पावलसे थेनीगदेदा “एनीगदेसे विश्वास लमाहेन्से परमेश्वरला आत्मा याङ्जी?” भिसी ङ्योइमा, थेनीगदेसे पावलदा “परमेश्वरला आत्मा मुला भिसी ङन्से थेःबै आरे” भिसी भिजी।
3 दोःसीनोन पावलसे थेनीगदेदा “एनीगदेसे खाह्रङ्बा बप्तिस्मा किन्जी?” भिसी ङ्योइमा, थेनीगदेसे पावलदा “यूहन्नासे लोप्बा अन्छारला बप्तिस्मा किन्जी” भिसी भिजी।
4 जमाहेन्से पावलसे थेनीगदेदा “यूहन्नासे पिन्बा बप्तिस्मा चा ह्राङ ह्राङला पाप ख्लासी परमेश्वरपट्टि दोःगै भिसी पिन्बा बप्तिस्मा हिन्ना। थेसे ह्राङ भन्दा लिच्छा फेप्खबा म्हिदा विश्वास लउ भिसी म्हिगदेदा लोप्मुबा, थे म्हि येशू हिन्ना” भिसी पाङ्जी।
5 चु ताम थेःसी थेनीगदेसे प्रभु येशूला मिनरी बप्तिस्मा किन्जी।
6 पावलसे थेनीगदेथोरी या थान्माहेन्से थेनीगदेथोरी परमेश्वरला आत्मा फेप्खजी, जमाहेन्से थेनीगदेसे आसेबा ग्योइदेन परमेश्वरग्याम खबा ताम पाङ्जी।
7 थेनीगदे ओस्पन च्युक न्ही ते मुबा।
