2 सदला ह्रङ्नोन लसी पावल थेनीगदे मुबा ग्लारी निजी, ओच्छे सोमरेम ब्लप्बा न्हबा धिनधोना परमेश्वरला बचनग्याम थेनीगदेदेन छ्याम छलफल लजी।
3 थेसे परमेश्वरला बचनग्याम ख्रीष्टसे दुख नासी सिबाग्याम सोनोन तोःला भिसी प्रस्टन उन्सी घोना लजी। “चुनोन येशू थार्बा पिन्बा ख्रीष्ट हिन्ना भिसी ङाइ ह्राङनीदा पाङ्बान मुला,” भिसी भिजी।
4 जमाहेन्से थेनीगदे न्हङला कोइ कोइ म्हिगदेसे प्रभुदा विश्वास लजी। ओच्छे परमेश्वरदा तेन्बा ल्हानान ग्रीकगदेदेन स्य्हान्दोसे मान लबा ल्हानान म्रिङम्हेमेगदेसेनोन प्रभुदा विश्वास लसी पावल, सिलासदेन छ्याम ढिक्सी भ्रजी।