17 थेतबासेलमा थेसे यहूदीगदे ह्रुप तबा दिमरी परमेश्वरदा तेन्बा म्हिगदे, यहूदीगदेदेन छ्याम ओच्छे बजाररी स्याप्बा म्हिगदेदेन छ्याम धिन धिननोन ङ्योइबा छार्बा लमुबा।
18 इपिक्युरीदेन स्तोइ भिबा धर्म तेन्बा म्हिगदेसेनोन थेदेन छ्याम ङ्योइबा छार्बा लजी। ओच्छे थेनीगदे न्हङला कोइ कोइसे “चु फतफतेसे तिग पाङ्बारी म्हाइबा हिन्ना?” भिसी भिमा, स्य्हान्दोगदेसे “चुसे अर्गु य्हुल्साला ल लुला बारेरी पाङ्बा ह्रङ्बा मुला” भिसी भिजी। तिग्दा भिसम थेसे येशूदेन छ्याम सिबागदे दोःसी सोला भिबा तामला बारेरी पाङ्बान मुबा।
19 थेतबासेलमा थेनीगदेसे पावलदा अरियोपागसरी भोर्सी चुह्रङ् भिसी भिजी, “ह्राङसे लोप्बा चु छार ताम खाह्रङ्बा हिन्ना, ङन्सेनोन घोबारी तला?
