11 परमप्रभु यावेमी मुर आन मिम्शो तुइक्ब। मेकोमी इं मिम्शो नेल्ल जाम्शा लाइब, दे यो तुइक्ब। १कोरिन्थी १:२०
12 परमप्रभु यावे, गे सु सु कली सजाइ गेशा, शेंदीनी, मेको ग्येरसीशो मुर दुम्नीम। मारदे हना मेको आन कली इन अरेशो लोव़ शेंनीनी। अय्युब ५:१७
13 इन अरेशो मटीब मबेक्मा सम्म, गे मेको इन शेंशो आन कली श्येत रे नाइक्चा गेनीनी।
14 मारदे हना परमप्रभु यावेमी आ मुर आन कली मप्रोंइब। मिनु आ योव़शो रागी यो मप्रोंइब। यसैया ३७:३३-३५
15 ठीक मुर लेंशा ठीक पतीके ताइनीम। ब्रेम्शो थुं पाइश्शो मुर ठीक लां खोइक्नीम।
16 परमप्रभु आ अरेशो लोव़ मटीब आन पर्बम सु पोन बोक्बा? मरिम्शो पाइब आन पर्बम सु पोन बोक्बा? भजन संग्रह ११५:१७
