31 आं पचा देंशो, आं फुल्लुम मुशा ब्रेक्शो लोव़ मपाम्तेक्म हना, आं शेंशो मटिम्तेक्म हना,
32 गो मेको आन पाप आ पर्बम कोक्केमी सजाइ गेनुङमी। गो मेको आन ठीक मपशो आ पर्बम तुप्शा सजाइ गेनुङमी।
33 तन्न गो मेको आन कली आं गेना हना यो दाक्तीकेम मप्रोंइनुङ। आं दाक्शा मप्रोंइतीके मेको नु लीब।
34 गो आं कबल नेल्ल खाप्नुङ। आं ङोंइती देंशो लोव़ थमा पा पाइनुङ।
35 गो आं नेंमी काले कसम जाता, गो दाऊद कली जोल मपाइनुङ।
36 मेको आ चच युइ गेना हना यो लीनीम। मिनु मेको आ सासन पतीके आं ङोंइती नां बाक्म सम्म बाक्ब। भजन संग्रह ७२:१७
37 तास्ला खोदेंशो पा मेको आ सासन पतीके गेना हना यो बाक्ब। सरीङ बाक्शो खोदेंशो पा गेना हना यो बाक्ब” देंतीनी। ठेयब सेंदा पाउत्पत्ती ९:१३
38 तन्न गे इन तेल लुक्शो कली प्रोंइशो बाक्तीनी। गे इन तेल लुक्शो आ पर्बम शुश गाइक्ताक्नी।