14 मेकोमी मेको आन कली नाक्त गोस्सुम नु नाक्दो मी आ हाम्सोमी लां कोंइताक्व। प्रस्थान १३:२१
15 मेकोमी गोरशो रागीमी सेरथे फुल्लु कली प्रोल्शा ब्वाक्कु बुक्पाइक्तु। मिनु शुश ब्वाक्कु तूचा गेम्तीमी। प्रस्थान १७:६; गन्ती २०:७-११; ब्यवस्था ३२:१८
16 सेरथे फुल्लु रे पा ब्वाक्कु बुक्पाइक्तु। मिनु खोला खोदेंशो पा शाइक्पाइक्तु।
17 तन्न मेकोपुकीमी गोरशो रागीमी नेल्ल क्येङा ठेयब कली मटिथु, मरिम्शो पा ङोंइती क्येङा शुश पाप पाम्तेक्म।
18 मेकोपुकीमी आन दाक्शो पा जचा थोव़क पुंइशा, परमप्रभु आ थुं नाक्ताक्म। प्रस्थान १६:३; गन्ती ११:४
19 मेकोपुकीमी थमा मसुइक्थु “मार, परमप्रभुम गोरशो रागीम जचा थोव़क गेने चाप्बा ङा?
20 मेकोमी सेरथे फुल्लु तुप्शा प्रोल्शा ब्वाक्कु बुक्पाइश्शा, शुश खोला सेल्तु। मार, मेकोमी आ मुर आन कली शोब्ले नु श्ये यो गेने चाप्बा ङा?” देंतेक्म।