1 सोलोमन आ कुम्सो। परमप्रभु, पिप कली इन निसाफ ङा लोव़ गेने। पिप आ तौ कली इन ठीक पतीके गेने।
2 मेकोमी इन मुर आन कली ठीक पतीकेमी निसाफ पवल। इन प्रुङग मुर आन कली ठीक पा निसाफ पवल।
3 मोदेंशो ठीक पतीके तशा, डांडा नु पहाड ङा रूपुकी अन्न ग्रेल्ब दुम्मल।
4 मेकोमी मुर आन दातेमी प्रुङग आन कली कोव़ङल। मिनु श्येत जाइब आन तमी तौ आन कली प्रोनल। मेकोमी दिप्ब आन कली खतम पोक्गल।
5 नां तास्ला बाक्सा सम्म नु मुर नेल्ल आन पाला सम्म मेको ब्रोंइशा बाक्ल।
