1 कुम्सो पपाइक्ब कली। दाऊद आ कुम्सो। परमप्रभु, सियोनमी इन कली ठेयब सेल्तीक कुम्सो पाइनीमी। मिनु आंइ कसम जशो नेल्ल इन ङोंइती खाप्नीकी।
2 गे प्रार्थना नेंब बाक्नीनी। मोपतीके मुर नेल्ल इन ङोंइती जाक्नीम।
3 गो आंइ पापमी ग्रुम्कानु, आंइ मरिम्शो पशो माफ गेतीनी।
4 सु सु इन योव़चा पुंइसीशो बाक्नीमी, मेकोपुकी ग्येरसीशो बाक्नीमी। मेको आन कली इन खिंम बाक्पाइक्चा कली चाक्नीनी। गो इन खिं, इन आंम बाक्तीके ङा ब्रोव़शो थोव़कमी रूनीकी। भजन संग्रह ६३:३-४; भजन संग्रह ८४:२-५; ब्यवस्था ४:७
5 आंइ पुंइशो लोव़ इन ठेयब गेयमी आंइ कली प्रोंइशा लोव़ लेत्नीनी। परमप्रभु, आंइ कली श्येत रे प्रोंइब बाक्नीनी। गे ङोन बाक्ब रागी नु नेल्ल क्येङा ङोन ङा समुन्द्र आ नेक्था बाक्ब आन आस बाक्नीनी।
