3 मारदे हना गो आं मरिम्शो पशो तुइक्नुङ। मिनु आं पाप गेना हना यो मिम्नुङ।
4 गो इन ङोंइती ला पाप पाता। इन ङोंइती इन मदाक्शो पाता। गे आं कली निसाफ पा, ठीक पाइब बाक्नीनी। आं कली निसाफ पा सजाइ गेतीनी, गे मेको आ पर्बम दोस मताइब बाक्नीनी।
5 थमा पा, गो जरमेसी ङा रेन मरिम्शो पाइब बाक्ती। आं ममा आ कोव़जम जोल्ङा रेन मरिम्शो पाइब बाक्ती। रोमी ३:४; यूहन्ना ३:६
6 गे आंम पर्बम आंम थुं ङा थमा मिम्तीकेम दाक्नीनी। मोपतीके गे आं थुं कली जोक्तीक तुइक्तीक शेंदीने।
7 गे हिस्सोप के ब्राक्सुमी आं पाप क्याम्दीन। मिनु आं पाप क्याम्सीशो बाक्ब। मिनु आं कली चिक्तीनी। मिनु गो फुं क्येङा बुश दुम्नुङ। प्रस्थान १२:२२-२३; यसैया १:१८
8 आं कली ग्येरतीके नु थुं नाइक्तीके लोव़ नेंपाइय्यीनी। मिनु इन फस पोक्शो आं रुश लेंशा ग्येरसमल। भजन संग्रह ३२:३-४
9 इन कुल आं पाप रे ख्रुइक्तीन। मिनु आं मरिम्शो पशो नेल्ल क्याम्दीन।
10 परमप्रभु, आं थुं क्येख सुन खोदेंशो सेलीन। मिनु नक नु ठीक पाइब सोक्त गेयीनी। मत्ती ५:८; इजीकीएल ३६:२६-२७
11 आं कली इन ङोंइती रे मखेरयीनी। इन सोक्त आं रे मलतीन।
12 इन पाप रे प्रोंइतीके आ पर्बम ग्येरशो लेंशा गेयीनी। आं थुं इन देंशो खोदेंशो सेलीन।
13 मिनु गो मरिम्शो पाइब आन कली इन लां कोंइनुङमी। मिनु पाप पाइबपुकी इन गे लेत्नीम।
14 परमप्रभु, गे आं कली पाप रे प्रोंइब परमप्रभु बाक्नीनी। आं हुश ख्राक्श पोक्शो पाप रे प्रोंइयीनी। मिनु गो इन प्रोंइतीके आ पर्बम कुम्सो पाइनुङ।
15 परमप्रभु आं कली लोव़ पपाइय्यीनी। मिनु गो इन कली ठेयब सेल्नुङ।
16 गे मार मार क्योरशा, चढ़ेशोमी मग्येरनीनी। ग्येरसीनी हना, गो क्योरशा चढ़ेङ वा। गे चोशा चढ़ेशोम मग्येरसीनीनी। भजन संग्रह ४०:७
17 परमप्रभु, गे मरिम्शो पशो आ पर्बम जिक्शो थुं नु ब्रेम्शो मुर आन थुं दाक्नीनी। भजन संग्रह ३४:३९
18 इन दाक्शो खोदेंशो पा सियोन कली रिम्शो दुम्तीक गेने। यरूसलेम ङा गारो लेंशा सेलीने।
19 मिनु नोले मुरपुकीमी ठीक पा चढ़ेनीम। मुरपुकीमी इन कली ग्येरपाइक्चा कली चोशा चढ़ेतीक नेल्ल चढ़ेनीम। मिनु इन कली ब्यफ चढ़ेनीम।
