13 गो नोफा मनेंब मुर खोदेंशो दुम्ती, मनेंनुङ। ब्वाक्ने मचाप्ब मुर खोदेंशो दुम्ती, काइ लोव़ मपाइनुङ। भजन संग्रह ३९:९३
14 गो थमा पा नोफा मनेंब खोदेंशो दुम्शा, मारेइ लोव़ मलेत्नुङ।
15 परमप्रभु यावे, गो इन कली रिम्नुङ। गे आं लोव़ लेत्नीनी। गे परमप्रभु यावे, आं परमप्रभु बाक्नीनी।
16 मिनु गो “मेकोपुकीमी आं पर्बम शुक्शी पा ग्येरचा मतामेक्ल। आं कली ग्रेक्शो तशा, बोरचा मतामेक्ल” देंती।
17 मारदे हना गो दाइल पांइसीचा चिक्शो बाक्नुङ। गो श्येत जस ङा जस बाक्नुङ।
18 गो आं काइ मरिम्शो पशो शोव़नुङ। आं मरिम्शो पशो मिम्शा सुर्ता पाइनुङ। भजन संग्रह ३२:५;
19 आं जोरी सत्रु चहिं रिम्शो पा ब्रोंइशा, बोल्यो दुम्शो बाक्नीम। आं कली मोशान मदाक्ब शुश बाक्नीम।
20 मुरपुकीमी आं रिम्शो पशो आ पा ङा आं कली मरिम्शो पाइनीम। मारदे हना गो रिम्शो पाइब बाक्ती हना यो, आं कली खेदा पाइनीम।
21 परमप्रभु यावे, आं परमप्रभु, आं कली मप्रोंइयीनी। आं क्येङा ङोन मदुमीन।
