21 परमप्रभु आ अरेशो मटीबपुकीमी जेर जशा, मथाप्नीम। मिनु ठीक पाइबपुकीमी हाइश्शो दुम्शा गेनीम।
22 परमप्रभु रे आसीक ताइबपुकीमी रागी ताइनीम। परमप्रभु रे सराप ताइबपुकी जाम्शा लाइनीम।
23 परमप्रभु यावेमी आ मुर आन थेक्तीक बोल्यो सेल्ब। मेको आन कली तशा ग्येरब।
24 मेको दाइल पांइसाक्म हना यो, मगोल्नीम। मारदे हना परमप्रभु यावेमी मेको आन गुइ ग्याइश्शा, तिक्ब। हितोपदेस २४:१६
25 गो ठिटा बाक्ती, मुल खाल्पा दुम्ती। तन्न ठीक पाइबपुकी नु आन तमी तौ नु चच युइमी मुल सम्म पुंइशा जशो गेनायो मतङमी।
26 मिनु मेकोपुकीमी नेल्ल नाक्ती हाइश्शो दुम्शा, प्रुङग आन कली मार मार गेनीम। मिनु मेको आन आलपुकीमी आसीक ताइनीम।
