6 परमप्रभु यावे, इन शिशी नु गेना हना यो दाक्तीके कली मिम्तीन। मारदे हना मेको साइ ङोंइती रेन बाक्त।
7 गो ठिटा बाक्ङा ना आं पशो पाप नु आं मरिम्शो पशो प्रेंदीन। परमप्रभु यावे, इन गेना हना यो दाक्तीके नु रिम्शो पतीकेम आं कली मिम्तीन।
8 परमप्रभु यावे रिम्शो नु रिम्शो थुं पाइश्शो बाक्ब। मोपतीके मेकोमी पाप पाइब आन कली आ लां आ पर्बम शेंब।
9 ब्रेम्शो आन कली ठीक लां कोंइशा, आ लां शेंब।
10 परमप्रभु यावे आ कबल नु आ देंशो टीब नेल्ल परमप्रभु आ गेना हना यो दाक्तीके नु आ दाक्शा मप्रोंइतीकेमी ब्रीशो बाक्नीम।
11 परमप्रभु यावे, आं पाप ठेयब बाक्त हना यो, इन नें आ पर्बम आं ठीक मपशो माफ गेयीनी। प्रस्थान ३४:६-७
