7 आं कली ताइब नेल्लेमी आं पर्बम रिश्शा, ठेयब लेश्शो लोव़ पशा, आन पिया हिम्नीम। अय्युब १६:१०
8 मिनु मेकोपुकीमी “परमप्रभु यावे कली थमा सुइक्ब, परमप्रभु यावेमी इन कली श्येत रे प्रोनल। मारदे हना परमप्रभुमी इन कली दाक्ब” दे शुक्शी पाइनीम। मत्ती २७:४३
9 गो मोदेंब दुम्ती हना यो, गे आं कली जरमेपपाइक्तीनी। गो आं ममा आ दूध तूङु रे आं कली कोव़तीनी।
10 ङोंइती रे गो इन के दुम्ती। आं ममामी थियी रे गे आं परमप्रभु बाक्नीनी।
11 गे आं रे ङोन मबाक्कीन। मारदे हना गो श्येत जचा चिक्शो बाक्नुङ। वारच पाइब सुइ मबाक्नीम।
12 ठेयब सांढेपुकीमी पुम्ताक्यीमी। बाशान रागी ङा हिंचा ङा सांढेपुकीमी यो पुम्ताक्यीमी।
13 शोव़लु बेक्शा ग्रीशो गुप्स खोदेंशो पा आन शोव़ पाक्शा, ग्राम्चा चिक्ताक्यीमी।
14 गो लुक्शो ब्वाक्कु खोदेंशो दुम्ती। आं रुश नेल्ल गलाक गुलुक दुम्तेक्म। आं लुङगीर मयीन खोदेंशो दुम्शा, यशो बाक्ब।
