10 मेको करूब का ङोइश्शा, फशेम बेरत। भजन संग्रह ९९:१
11 छिङछिङमी ख्रुइश्शा, आ एर ओंथ नेल्ल ब्वाक्कु कुरशो क्येर गोस्स बाक्तेक्म।
12 परमप्रभु आ छेङछेङ रे मुप्स, मी ब्रशो कोइला नु चिला खोदेंशो पा गोस्स ग्रूतेक्म।
13 परमप्रभु यावेमी सरीङ रे बुंबु पशो खोदेंशो पा आ सेंदा नेंपाइश्शो बाक्त।
14 मिनु मेकोमी आ ब्रा आबानु, आं जोरी सत्रु ब्रपाइक्तीमी। ठेयब चिला पपाइश्शा, प्रोक्पाइक्तीमी।
15 परमप्रभु यावे इन हुइक्तीकेमी नु इन नें रे ग्रूशो सोक्तमी समुन्द्र नु रागी आ जग ग्रूत।
16 परमप्रभुमी इर रे आं गुइ ग्याइश्शा, ठेयब ब्वाक्कु रे कीशा ग्रुंइताक्यी।
17 मिनु आं कली मदाक्बपुकी नु आं क्येङा बोल्यो जोरी सत्रु रे प्रोंइती।
18 श्येत जङा नाक्त आं जोरी सत्रुम पुम्ताक्यीमी, तन्न परमप्रभु यावेमी वारच पाइक्ती।
19 मिनु आं कली प्रोंइशा, रिम्शो ब्रोंइशा बाक्तीकेम चाक्ती। मारदे हना आं कली दाक्शो बाक्त।