6 परमप्रभु यावेमी सरीङ, रागी, समुन्द्र नु समुन्द्र आ आगामी मार दाक्बा, मेको पाइब।
7 मेकोमी रागी आ सुर सुर रे गोस्स पोक्ब। मेकोमी चिला दाप्पाइश्शा, रेउ यिपाइक्ब। मिनु मेकोमी आ बाक्तीक रे फश पपाइक्ब। येरमीया १०:१३
8 मेकोमी इजीप्त रागीमी मुर नु बी ब्यफ, क्यारश भेडा मारेइ मारेइ आन ङोंइती जरमेशा नेल्ल आन कली साइक्तीमी। प्रस्थान १२:२९
9 मेकोमी इजीप्त रागीमी फाराओ नु आ गेय पाइब मुर नेल्ल आन ङोंइती चिन्ड नु छक लाक्चा ङा गेय कोंइताक्व। भजन संग्रह ७८:४२-५२
10 मेकोमी शुश रागी आन कली खतम पोक्तीमी। मिनु मेकोमी बोल्यो पिप आन कली साइक्तीमी। गन्ती २१:२१-३५
11 मेकोमी एमोरी आन पिप सीहोन, बाशान ङा पिप ओग नु कनान ङा पिप नेल्ल आन कली साइक्तीमी।
12 मिनु मेकोमी मेको आन रागी आ मुर, इस्राएली आन कली आन के सेल्चा कली गेम्तीमी। यहोसु १२:१-६
13 परमप्रभु यावे इन नें गेना हना यो बाक्ब। परमप्रभु यावे इन नें गेनायो मक्याम्सीब। भजन संग्रह १०२:१३
14 मारदे हना परमप्रभु यावेमी आ मुर आन कली निसाफ पतीकेमी वारच पाइब। मिनु आ गेय पाइब आन कली शिशी पाइब। ब्यवस्था ३२:३६
15 रागी रागी ङा मुर आन मूर्ति सुन नु चांदी के बाक्नीम। मेको नेल्ले मुर आन सेल्शो ला बाक्नीम। भजन संग्रह ११५:४-११
