34 गे आं कली रुप्तीक थुं गेयीनी। मिनु गो इन अरेशो लोव़ आं थुं नेल्लेमी पाइनुङ।
35 इन शेंतीके लांम गाक्पाइय्यीनी। मारदे हना गो मेको कली दाक्नुङ।
36 आं थुं कली इन देंशो ला मिम्पतीन। शुश क्येट चेम्तीके ममिम्पतीन।
37 मरिम्शो थोव़क मकोव़पाइय्यीनी। इन दाक्चा ङा पा ब्रोंइचा गेयीनी।
38 गे इन गेय पाइब कली इन थोक्शा पशो लोव़ खाप्पीन। इन थोक्शा पशो लोव़ इन कली मान पा हिंब आन कली बाक्ब।
39 हिंचा ङा शुक्शी पाइक्चा पुंइसीतीक आं क्येङा ङोन वोतीन। मारदे हना इन पतीक लोव़ रिम्शो बाक्नीम।
40 इन ब्रेक्शा अरेशो लोव़ शुश दाक्नुङ। इन निसाफ पतीकेमी आं कली ब्रोंइचा गेयीनी।
41 परमप्रभु यावे, इन गेना हना यो दाक्तीक आं कली दुम्ल। इन थोक्शा पशो लोव़ खोदेंशो पा आं कली श्येत रे प्रोंइयीनी।
42 मिनु गो आं कली शुक्शी पाइब आन कली लोव़ लेन्ने चाप्नुङ। मारदे हना गो इन लोव़ थमा सुइक्नुङ।
43 गे इन थमा लोव़ पचा कली मतेक्यीनी। मारदे हना गो इन पतीक लोव़ आस पा बाक्नुङ।
44 गो इन अरेशो लोव़ थमा पा गेना हना यो टीनुङ।
45 मिनु गो सुइ क्येङा महिंथु बाक्नुङ। मारदे हना इन ब्रेक्शा अरेशो लोव़ माल्ता।
46 गो पिप आन ङोंइती इन देंशो लोव़ आ पर्बम लोव़ पाइनुङ। मिनु मुने मदोक्नुङ। मत्ती १०:१८
47 गो इन शेंतीके तुइश्शा ग्येरसीनुङ। मारदे हना गो मेको कली दाक्नुङ।
