156 परमप्रभु यावे, इन शिशी ठेयब बाक्ब। इन निसाफ पतीक लोव़ खोदेंशो पा आं कली ब्रोंइचा गेयीनी।
157 आं कली खेदा पाइब नु आं जोरी सत्रु शुश बाक्नीम। मो हना यो गो इन देंशो लोव़ मप्रोनु।
158 मेको नोले शोंइसीशो आन कली तशा ग्रांग्रा दीती। मारदे हना मेकोपुकीमी इन शेंशो टिचा प्रोंइतेक्म।
159 गो इन ब्रेक्शा अरेशो लोव़ दाक्नुङ, दे मिम्तीन। परमप्रभु यावे, इन गेना हना यो दाक्तीकेमी आं कली ब्रोंइचा गेयीनी।
160 इन लोव़ नेल्ले थमा बाक्ब। मिनु इन निसाफ पतीक लोव़ गेना हना यो ठीक बाक्नीम। यूहन्ना १७:१७
161 ठेयब मुरपुकीमी आं कली बित्चीम खेदा पाइनीमी। तन्न आं थुं इन लोव़ क्येङा हिंब।
162 गो शुश शोंप तशा, ग्येरसीचा क्येङा इन लोव़ तशा ग्येरसाक्यी।
163 दूली पतीके नु जोल पतीक काइ मदाक्थु, ग्रांग्रा दीनुङ। तन्न इन अरेशो लोव़ दाक्नुङ।