36 मिनु जेल्खान ङा ठेयब मुरुमी पावल कली “गे इस कली प्रोंइचा नसी, दे निसाफ पाइबपुकीम सिपाही कली सोइक्ताक्मे। सुइमी इस कली दोस गेने मचाप्नीम। रिम्शो पा लसे” देंमाक्त।
37 मिनु पावलमी सिपाही आन कली “गो मोशा मलाइनस्कु। मारदे हना सिनाक्त आंस कली मारेइ मरुप्थु दोस का यो मग्रुंइथु मुर नेल्ल आन कुल तुप्तीस्कीमी। तुप्शा ला ममाइ, जेल्खानमी यो चोक्तीस्कीमी। गो रोमी यो नस्कु। मिनु मो पचा मदुम्ब। आंस कली सुइ आन मतुइक्थु ख्रुइश्शा प्रोंइशा सोइक्चा मगारब। गो लसीन मलाइनस्कु। सिनाक्त आंस कली चोक्पाइक्बपुकी जाक्शा ग्रुंइदीस्कीमील” देंशा सिपाही आन कली लेश्शा सोइक्ता बाक्त। प्रेरित २२:२५
38 मिनु सिपहीपुकी लशा, पावल आ देंशो लोव़ मेको चोक्पाइक्ब आन कली देंमा बाक्त। मिनु मेको निक्शी रोमी यो बाक्सा बाक्त देंशो नेंशा हिंमा बाक्त।
