4 इ शुर दाऊद आ लाइश्शो खिं खोदेंशो बाक्ब। मेकेर हजार का तेक्तीक क्युक्शो बाक्नीम। मेको नेल्ल लडाइ पाइब आन तेक्तीक बाक्नीम।
5 इ दूध निक्शी क्यारश पाठा खोदेंशो बाक्नीस। मेको लिली फू आन दातेमी जोइब किश्श आ जौंले पाठा खोदेंशो बाक्नीस। ठेयब कुम्सो ७:३
6 ग्यू दुम्चा नु वांकु जाम्शा लचा क्येङा ङोंइती, गो ब्रोव़शो रिना पाइब डांडा नु धूप बाक्शो डांडा लाइनुङ। ठेयब कुम्सो २:१७
7 आं दाक्शो मीश आल गे नेल्लेम दारशो बाक्नेवे। इ के मारेइ मरिम्शो मबाक्ब।
8 आं ग्युम्ली, लेबानोन रे पा गो नु गाक्को। लेबानोन रे पा गाक्को। आमाना डांडा रे पा यीवो। सेनीर आ ङर नु हेरमोन डांडा रे पा गाक्को। गुप्स आन पुक्खी नु जोइ आन बाक्तीक डांडा रे पा गाक्को।
9 ए आं समी, आं ग्युम्ली, गे आं कली कोव़शा, आं थुं खुइ पाप्तीवी। इ माला के गेडा कामीन आं थुं खुइ पाप्तीवी।
10 ए, आं समी, आं ग्युम्ली इ दाक्तीक थम रिम्शो बाक्ब। तेकोइ अङगुर शांबु क्येङा यो, इ दाक्तीक रिम्शो बाक्ब। मस्ला नेल्ल आन क्येङा इ ख्रेक्तीक ब्रोव़शो रिना पाइश्शो बाक्ब।
