20 मिनु नोले परमप्रभु यावेमी हारून कली “गे मेको रागीम मुर आन दातेमी रू मताइनीनी। गो इस्राएली आन दातेमी इन भाग नु इन शोंप नङ। गन्ती ३५:-; ब्यवस्था १०:९; ब्यवस्था १२:१२; यहोसु १३:१४,३३; भजन संग्रह १६:५; भजन संग्रह ७३:२६; इजीकीएल ४४:२८
21 गो लेवी आ मुर आन कली ग्रुम्तीक ताम्बुमी गेय पचा कली इस्राएली नेल्ल आन १० भाग ङा भाग का गेतामी। लेवी २७:३०
22 मुल रे इस्राएलीपुकी ग्रुम्तीक ताम्बु आ नेक्था जाक्ने मचाप्नीम। जाक्तेक्म हना, पापम पतीकेमी बेक्नीम।
23 तन्न लेवीपुकीमी ग्रुम्तीक ताम्बु ङा गेय पचा माल्नीम। मेकोपुकीमी पाप पाम्तेक्म हना, मेको आंमा कुरचा माल्नीम। मेको इन कली गेना हना यो लीब शेंतीके बाक्ब। तन्न मेकोपुकीमी इस्राएली आन दातेमी रू मताइनीम।
24 मारदे हना गो लेवी आन कली इस्राएली आन परमप्रभु यावे कली चढ़ेशो १० भाग ङा भाग का गेतामी। मोपतीके गो मेको आन कली ‘गे इस्राएली आन दातेमी रू मताइनीनी’ देंती” देंत।
25 मिनु परमप्रभु यावेमी मोसा कली
26 “गे लेवी आन कली ‘परमप्रभु यावेमी इन कली मुर आन गुइ रे इन भाग दुम्चा कली गेशो, इस्राएली आ १० भाग ङा भाग का ताक्नीनु, गेपुकीम मेको रे यो परमप्रभु यावे कली १० भाग ङा भाग का तिल्शा, गेचा माल्नीनी।
27 मिनु मेको अन्न नु अङगुर शांबु मुर आन रे चाक्शो भाग खोदेंशो मिम्सीब।
