5 फुल्लु फ्रतीक ना बाक्ब। मिनु मेको खुप्तीक ना बाक्ब। मुप्तीक ना बाक्ब। मिनु ममुप्तीक ना बाक्ब।
6 माल्तीक ना बाक्ब। मिनु साम्तीक ना बाक्ब। वोइक्तीक ना बाक्ब। मिनु ताइक्तीक ना बाक्ब।
7 खाक्तीक ना बाक्ब। मिनु फेरतीक ना बाक्ब। सिक्सी पा बाक्तीक ना बाक्ब। मिनु लोव़ पतीक ना बाक्ब।
8 दाक्तीक ना बाक्ब। मिनु मदाक्तीक ना बाक्ब। लडाइ पतीक ना बाक्ब। मिनु दुशा बाक्तीक ना बाक्ब।
9 गेय पाइबमी आन श्येत पा गेय पशो रे मार ताइनीमी ङा?
10 परमप्रभुमी मुर नेल्ल आन कली श्येत ङा गेय गेप्तु। गो मुर मेको गेय पस ङा पस तातामी।
11 मेकोमी मारेइ मारेइ आन कली गारपाइश्शा सेल्तु। मेकोमी गेना हना यो ब्रोंइशा बाक्तीके मुर आन थुंम वोइक्तु। मो हना यो मेकोपुकीमी परमप्रभुमी ङोंइती रे नोले सम्म मार पवा, मेको रुप्ने मचाप्नीम। उपदेसक ८:१७
