11 बुस्स कली लाटा सेल्चा क्येङा ङोंइती कोक्तु हना, बुस्स चलेब कली मारेइ रिम्शो मदुम्ब। बजन संग्रह ५८:५-६
12 जोक्ब तुइक्ब मुर ब्वाक्मेनु, मान ताइब। तन्न मूर्ख चहिं आ लोव़मीन खतम दुम्ब।
13 मेकोमी ङोंइती मूर्ख लोव़ पाइब। मिनु नोले बौला नु निप्स ग्यशो लोव़ पाइब।
14 मूर्ख मुर ब्वाक्स ङा ब्वाक्स पाइब। मार दुम्बा, सुइम मतुइक्नीम। मेको आ नोले मार दुम्बा, मेको सुम देंने चाप्बा ङा? उपदेसक ५:२; उपदेसक ८:७
15 मूर्ख आ श्येत पा पशो गेयमी दाइब। मेकोमी सहर लतीक लां यो मतुइक्ब।
16 आबी, तेको रागी ङा पिप आल का बाक्बा, तेको रागी ङा सासन पाइबपुकीमी सुनी कना भोज जाइनीमी, मेको रागी खतम दुम्शा लाइब। यसैया ३:४; यसैया ५:११
17 तेको रागीमी रिम्शो खिं ङा मुर पिप दुम्बा, मेको रागी ग्येरसीशो बाक्ब। मेको रागी ङा सासन पाइब भोज जची ना जाइनीम। मेकोपुकी दुक्चा कली ममाइ बोल तचा कली जाइनीम।
18 सुइ मुर अल्से बाक्त हना मेको आ खिं ब्रेप्ब। मेको फिम्ला पा बाक्त हना, मेको आ खिं याप्ब।
19 ग्येरसीचा कली भोज सेल्नीम। मिनु अङगुर शांबुमी मुर कली ग्येरपाइक्ब। तन्न मेको नेल्ल पचा कली क्येट माल्ब। बजन संग्रह १०४:१५
