2 ܗ̇ܝܓܵܗ ܩܪܹܐ ܠܗܘܿܢ ܬܪܸܥܣܲܪ ܠܟܠܵܝܗܝ ܬܲܠܡܝܼ̈ܕܹܐ ܘܐܡܝܼܪܗܘܿܢ ܐܸܠܵܝܗܝ: ”ܠܹܐ ܝܠܵܗ̇ ܫܲܦܝܼܪܬܵܐ ܕܫܵܒ݂ܩܲܚ ܗܹܡܸܙܡܵܢ ܕܐܲܠܵܗܵܐ ܘܥܵܒ݂ܕܲܚ ܚܸܠܡܲܬ ܠܣܘܼܦܪܹ̈ܐ.
3 ”ܐܲܚܘܿܢܘܵܬܹ̈ܐ، ܓܲܒܹܝܡܘܼܢ ܫܲܒ݂ܥܵܐ ܐܢܵܫܹ̈ܐ ܡܸܢܵܘܟ݂ܘܿܢ، ܐܵܢܝܼ ܕܐܝܼܬ ܒܘܼܬ ܕܝܼܵܝܗܝ ܣܵܗܕܘܼܬܵܐ ܕܡܸܠܝܹܐ ܝܢܵܐ ܪܘܼܚܵܐ ܘܚܸܟ݂ܡܬܵܐ ܕܝܵܗܒܲܚ ܠܗܘܿܢ ܐܵܗܵܐ ܫܘܼܠܵܐ،
4 ”ܘܐܲܚܢܲܢ ܒܸܬ ܗܵܘܲܚ ܒܟܠܔ ܥܕܵܢܵܐ ܒܨܠܘܿܬܵܐ ܘܒܚܸܠܡܲܬ ܠܗܹܡܸܙܡܵܢ ܕܐܲܠܵܗܵܐ.“
5 ܫܦܝܼܪܵܗ̇ ܐܵܗܵܐ ܗܹܡܸܙܡܵܢ ܩܲܕܡ ܟܠܵܝܗܝ، ܘܓܘܼܒܹܐ ܠܗܘܿܢ ܠܐܸܣܛܲܦܵܢܘܿܣ، ܓܲܒ݂ܪܵܐ ܡܸܠܝܵܐ ܪܘܼܚܵܐ ܕܩܘܼܕܫܵܐ ܘܗܲܝܡܵܢܘܼܬܵܐ، ܘܠܦܝܼܠܝܼܦܘܿܣ، ܘܠܦܪܵܟ݂ܵܪܘܿܣ، ܘܠܢܝܼܩܵܢܘܿܪ، ܘܠܛܝܼܡܘܿܢ، ܘܠܦܲܪܡܝܼܢܵܐ، ܘܠܢܝܼܩܵܠܹܐܘܿܣ، ܢܘܼܟ݂ܪܵܝܵܐ ܡ̣ܢ ܐܵܢܛܝܘܿܟ݂ܝ ܩܠܝܼܒܵܐ ܠܝܗܘܼܕܵܝܘܼܬܵܐ.
6 ܐܲܢܹܐ ܐܢܵܫܹ̈ܐ ܡܘܼܟܠܝܼܵܝ ܠܗܘܿܢ ܩܲܕܡ ܫܠܝܼܚܹ̈ܐ، ܨܘܼܠܹܐ ܠܗܘܿܢ ܘܡܘܼܬܸܒ݂ ܠܗܘܿܢ ܥܲܠܵܝܗܝ ܐܝܼܕܵܬܹ̈ܐ.
7 ܘܦܪܝܼܣ ܠܵܗ̇ ܗܹܡܸܙܡܵܢ ܕܐܲܠܵܗܵܐ، ܘܡܸܢܝܵܢܵܐ ܕܬܲܠܡܝܼ̈ܕܹܐ ܙܝܼܕ ܠܹܗ ܪܵܒܵܐ ܓܵܘ ܐܘܿܪܸܫܠܸܡ، ܘܟܸܢܫܵܐ ܪܵܒܵܐ ܡ̣ܢ ܟܵܗ̈ܢܹܐ ܒܸܫܠܵܡܵܐ ܝܗܘܵܐ ܠܗܲܝܡܵܢܘܼܬܵܐ.
8 ܘܐܸܣܛܲܦܵܢܘܿܣ ܡܸܠܝܵܐ ܫܵܦܵܩܲܬ ܘܚܲܝܠܵܐ، ܥܒ݂ܝܼܕ ܠܹܗ ܕܘܼܡܵܪܹ̈ܐ ܘܢܝܼܫܲܢܩܹ̈ܐ ܓܘܼܪܹ̈ܐ ܓܵܘ ܥܲܡܵܐ.
9 ܘܩܝܼܡ ܠܗܘܿܢ ܐܢܵܫܹ̈ܐ ܡ̣ܢ ܟܢܘܼܫܬܵܐ ܕܟܹܐ ܦܵܝܫܵܐ ܩܪܝܼܬܵܐ ”ܟܢܘܼܫܬܵܐ ܕܒܢܲܝ̈ ܚܹܐܪܹ̈ܐ،“ ܘܡ̣ܢ ܩܸܘܪ̈ܝܼܢܵܝܹܐ ܘܐܵܠܸܟܣܲܢܕܪ̈ܵܝܹܐ، ܘܡ̣ܢ ܐܘܼܚܕܵܢܹ̈ܐ ܕܩܝܼܠܝܼܩܝܼܵܐ ܘܕܐܵܣܝܼܵܐ، ܘܕܵܪܫܝܼ ܗܘܵܘ ܥܲܡ ܐܸܣܛܲܦܵܢܘܿܣ.
10 ܐܝܼܢܵܐ ܠܵܐ ܡܨܹܐ ܠܗܘܿܢ ܟܵܠܝܼ ܕܲܠܩܘܼܒ݂ܠܔ ܕܚܸܟ݂ܡܬܵܐ ܘܪܘܼܚܵܐ ܕܒܝܼܘܼܗ̇ ܗܲܡܙܘܼܡܹܐ ܝܗܘܵܐ.
11 ܗ̇ܝܓܵܗ ܡܘܼܠܸܦ ܠܗܘܿܢ ܒܛܸܫܘܵܐ ܠܚܲܕܟܡܵܐ ܐܢܵܫܹ̈ܐ ܕܐܵܡܪܝܼ ܗܘܵܘ: ”ܐܲܚܢܲܢ ܫܡܝܼܥ ܠܲܢ ܐܵܗܵܐ ܐܢܵܫܵܐ ܗܲܡܙܘܼܡܹܐ ܓܘܼܕܵܦܵܐ ܥܲܠܔ ܡܘܼܫܹܐ ܘܥܲܠܔ ܐܲܠܵܗܵܐ.“
