3 ܦܵܘܠܘܿܣ ܒܥܹܐ ܠܹܗ ܕܠܲܒܸܠܔ ܠܹܗ ܥܲܡܹܗ. ܒܵܣ ܫܩܝܼܠܔ ܠܹܗ ܘܓܙܝܼܪܹܗ، ܣܵܒܵܒ ܐܝܼܬ ܗܘܵܘ ܝܗܘܼܕܵܝܹ̈ܐ ܒܗ̇ܝ ܕܘܼܟܵܐ، ܘܟܠܵܝܗܝ ܟܹܐ ܝܵܕܥܝܼ ܗܘܵܘ ܕܒܵܒܘܼܗܝ ܝܵܘܢܵܝܵܐ ܝܗܘܵܐ.
4 ܐܙܝܼܠܔ ܠܗܘܿܢ ܡ̣ܢ ܡܕܝܼܢ݇ܬܵܐ ܠܡܕܝܼܢ݇ܬܵܐ ܒܹܐܡܵܪܵܐ ܠܐܢܵܫܹ̈ܐ ܕܢܵܛܪܝܼ ܦܘܼܩܕܵܢܹ̈ܐ ܕܦܝܼܫ ܠܗܘܿܢ ܡܘܼܬܒܹܐ ܒܝܲܕ ܫܠܝܼܚܹ̈ܐ ܘܚܘܵܪ̈ܕܸܩܢܹܐ ܕܓܵܘ ܐܘܿܪܸܫܠܸܡ.
5 ܘܥܹܕܵܬܹ̈ܐ ܦܵܝܫܝܼ ܗܘܵܘ ܡܘܼܩܘܝܼܹܐ ܒܗܲܝܡܵܢܘܼܬܵܐ، ܘܙܵܝܕܝܼ ܗܘܵܘ ܟܠܔ ܝܘܿܡ ܒܡܸܢܝܵܢܵܐ.
6 ܚܕܝܼܪܗܘܿܢ ܦܵܘܠܘܿܣ ܘܚܲܒ݂ܪ̈ܵܘܵܬܘܼܗܝ ܒܐܲܬܪܵܐ ܕܦܪܘܼܓ݂ܝܼܵܐ ܘܓܵܠܵܛܝܼܵܐ، ܣܵܒܵܒ ܡܘܼܟܠܝܼܵܝ ܠܹܗ ܪܘܼܚܵܐ ܕܩܘܼܕܫܵܐ ܡ̣ܢ ܠܡܲܟܪܘܼܙܹܐ ܓܵܘ ܐܵܣܝܼܵܐ.
7 ܐܝܼܡܲܢ ܕܐܬܹܐ ܠܗܘܿܢ ܠܬܚܘܼܡܹ̈ܐ ܕܡܘܼܣܝܼܵܐ، ܓ̰ܘܼܪܸܒ ܠܗܘܿܢ ܕܥܵܒ݂ܪܝܼ ܠܒܹܬܘܿܢܝܼܵܐ، ܐܝܼܢܵܐ ܪܘܼܚܵܐ ܕܝܼܫܘܿܥ ܠܵܐ ܫܒ݂ܝܼܩ ܠܹܗ ܐܸܠܵܝܗܝ ܕܥܵܒ݂ܪܝܼ.
8 ܗ̇ܝܓܵܗ ܥܒ݂ܝܼܪܗܘܿܢ ܡ̣ܢ ܡܘܼܣܝܼܵܐ ܘܨܠܹܐ ܠܗܘܿܢ ܠܛܪܘܿܐܘܿܣ.
9 ܒܠܲܝܠܹܐ ܦܵܘܠܘܿܣ ܚܙܹܐ ܠܹܗ ܚܸܙܘܵܐ ܕܚܲܕ ܐܢܵܫܵܐ ܡܵܩܹܕܘܿܢܵܝܵܐ، ܟܸܠܝܵܐ ܦܲܪܦܘܼܠܹܐ ܒܝܼܹܗ ܘܒܹܐܡܵܪܵܐ: ”ܬܵܐ ܠܡܵܩܹܕܘܿܢܝܼܵܐ ܘܗܲܝܸܪܲܢ.“
10 ܡ̣ܢ ܒܵܬܪ ܕܚܙܹܐ ܠܹܗ ܦܵܘܠܘܿܣ ܐܵܗܵܐ ܚܸܙܘܵܐ، ܡܘܼܠܝܸܙ ܠܲܢ ܓ̰ܲܠܕܹܐ ܕܐܵܙܲܠ݇ܚ ܠܡܵܩܹܕܘܿܢܝܼܵܐ، ܣܵܒܵܒ ܩܛܝܼܥ ܠܲܢ ܕܐܲܠܵܗܵܐ ܩܸܪܝܲܢ ܝܼܗܘܵܐ ܕܡܲܟܪܸܙܲܚ ܐܸܠܵܝܗܝ.
