3 ܢܘܼܪܵܐ ܩܲܕܡܘܼܗܝ ܟܹܐ ܐܵܙܹܠܔ، ܘܟܹܐ ܡܲܩܸܕ ܕܸܫ̃ܡܸܢܘܼ̈ܗܝ ܒܚܵܕܸܪ̈ܘܵܢܹܐ.
4 ܒܘܼܗܪܸܢܗܘܿܢ ܒܸܪ̈ܩܘܼܗܝ ܠܒܪܝܼܬܵܐ، ܚܙܹܐ ܠܵܗ̇ ܘܪܘܼܬܪܸܬ ܠܵܗ̇ ܐܲܪܥܵܐ.
5 ܦܫܝܼܪܗܘܿܢ ܛܘܼܪ̈ܵܢܹܐ ܐܲܝܟ݂ ܫܲܡܲܥ ܡ̣ܢ ܩܲܕܡ ܡܵܪܝܵܐ، ܡ̣ܢ ܩܲܕܡ ܡܵܪܵܐ ܕܟܠܵܗ̇ ܐܲܪܥܵܐ.
6 ܟܹܐ ܡܲܕܥܝܼ ܫܡܲܝܹ̈ܐ ܙܲܕܝܼܩܘܼܬܹܗ، ܘܚܙܹܐ ܠܗܘܿܢ ܟܠܵܝܗܝ ܥܲܡܡܹ̈ܐ ܐܝܼܩܵܪܹܗ.
7 ܢܵܟ݂ܦܝܼ ܟܠܵܝܗܝ ܦܵܠܚܵܢܹ̈ܐ ܕܨܲܠܡܹ̈ܐ، ܥܵܒ݂ܕܵܢܹ̈ܐ ܕܫܘܼܒ݂ܗܵܪܵܐ ܒܨܵܢܲܡܹ̈ܐ ܣܪ̈ܝܼܩܹܐ. ܣܓ݂ܘܿܕܘܼܢ ܐܸܠܹܗ ܟܠܵܝܗܝ ܐܲܠܵܗܹ̈ܐ.
8 ܫܡܝܼܥ ܠܵܗ̇ ܘܚܕܹܐ ܠܵܗ̇ ܨܸܗܝܘܿܢ، ܘܦܨܝܼܚ ܠܗܘܿܢ ܒܢܵܬܹ̈ܐ ܕܝܼܗܘܼܕܵܐ، ܒܘܼܬ ܕܝܼܘܵܢܘܼ̈ܟ݂، ܝܵܐ ܡܵܪܝܵܐ.
9 ܣܵܒܵܒ ܐܲܢ݇ܬ، ܝܵܐ ܡܵܪܝܵܐ، ܥܸܠܵܝܵܐ ܝܘܸܬ ܥܲܠܔ ܟܠܵܗ̇ ܐܲܪܥܵܐ، ܦܝܼܫܵܐ ܝܘܸܬ ܡܘܼܪܡܵܐ ܪܵܒܵܐ ܥܲܠܔ ܟܠܵܝܗܝ ܐܲܠܵܗܹ̈ܐ.
10 ܝܵܐ ܡܲܚܸܒܵܢܹ̈ܐ ܕܡܵܪܝܵܐ، ܣܢܹܝܡܘܼܢ ܠܒܝܼܫܬܵܐ، ܗ̇ܘ ܟܹܐ ܢܵܛܹܪ ܓܵܢܵܬܹ̈ܐ ܕܡܗܘܼܡܢܘܼ̈ܗܝ، ܟܹܐ ܦܲܨܹܐ ܠܗܘܿܢ ܡ̣ܢ ܐܝܼܕܵܐ ܕܪ̈ܲܫܝܼܥܹܐ.
11 ܒܲܗܪܵܐ ܙܪܝܼܩ ܠܹܗ ܠܙܲܕܝܼܩܵܐ، ܘܠܬܪ̈ܘܼܨܹܐ ܕܠܸܒܵܐ ܚܲܕܘܼܬܵܐ.
12 ܚܕܹܝܡܘܼܢ، ܝܵܐ ܙܲܕܝܼܩܹ̈ܐ، ܒܡܵܪܝܵܐ، ܘܫܲܟܪܘܼܢ ܠܕܟ݂ܵܪܵܐ ܕܩܘܼܕܫܹܗ.
