1 ܝܵܬܒ݂ܵܢܵܐ ܒܣܸܬܵܪܵܐ ܕܥܸܠܵܝܵܐ، ܒܛܸܠܵܢܝܼܬܵܐ ܕܚܲܝܠܬܵܢܵܐ ܒܸܬ ܫܵܪܹܐ.
2 ܒܸܬ ܐܵܡܪܹܢ ܒܘܼܬ ܡܵܪܝܵܐ: ”ܗ̇ܘ ܝܼܠܹܗ ܒܹܝܬ ܓܵܘܣܝܼ ܘܚܸܣܢܝܼ، ܐܲܠܵܗܝܼ، ܒܸܬ ܣܵܒܪܹܢ ܒܝܼܹܗ.“
3 ܒܗ̇ܝ ܕܗ̇ܘ ܒܸܬ ܦܲܨܹܐ ܠܘܼܟ݂ ܡ̣ܢ ܢܸܫܒ݂ܵܐ ܕܨܲܝܵܕܵܐ، ܡ̣ܢ ܡܲܪ̈ܥܹܐ ܩܵܛܠܵܢܹ̈ܐ ܘܛܲܠܩܵܢܹ̈ܐ.
4 ܒܦܲܪ̈ܘܼܗܝ ܒܸܬ ܟܲܣܹܐ ܠܘܼܟ݂، ܘܬܚܘܿܬ ܓܘܼܠܦܵܢܘܼ̈ܗܝ ܒܸܬ ܥܵܪܩܹܬ، ܣܲܟܪܵܐ ܘܡܵܛܵܠܵܐ ܝܠܵܗ̇ ܫܲܪܝܼܪܘܼܬܹܗ.
5 ܠܹܐ ܙܵܕܥܹܬ ܡ̣ܢ ܙܕܘܼܥܬܵܐ ܕܠܲܝܠܹܐ، ܡ̣ܢ ܓܹܐܪܵܐ ܕܦܵܪܹܚ ܒܐܝܼܡܵܡܵܐ،
6 ܡ̣ܢ ܡܲܪܥܵܐ ܩܵܛܠܵܢܵܐ ܕܚܵܕܹܪ ܒܚܸܫܟܵܐ، ܡ̣ܢ ܡܲܚܪܲܒ݂ܬܵܐ ܕܛܲܠܩܵܐ ܒܛܲܗܪܵܐ.
7 ܟܲܕ ܢܵܦܠܝܼ ܐܲܠܦܵܐ ܡ̣ܢ ܕܸܦܢܘܼܟ݂، ܘܪܸܒܘܼܬܵܐ ܡ̣ܢ ܝܲܡܝܼܢܘܼܟ݂، ܠܟܸܣܠܘܼܟ݂ ܠܹܐ ܩܲܪܒܸܢ.
8 ܐܲܚܟ̰ܝܼ ܒܥܲܝ̈ܢܘܼܟ݂ ܒܸܬ ܚܵܝܪܹܬ، ܘܦܘܼܪܥܵܢܵܐ ܕܪ̈ܲܫܝܼܥܹܐ ܒܸܬ ܚܵܙܹܝܬ.
9 ܒܗ̇ܝ ܕܠܡܵܪܝܵܐ ܥܸܠܵܝܵܐ، ܗ̇ܘ ܕܝܼܠܹܗ ܒܹܝܬ ܓܵܘܣܝܼ، ܥܒ݂ܝܼܕ ܠܘܼܟ݂ ܡܲܥܡܪܘܼܟ݂،
10 ܠܹܐ ܬܵܦܩܵܐ ܒܝܼܘܼܟ݂ ܒܝܼܫܬܵܐ، ܘܠܹܐ ܩܲܪܒܸܢܵܐ ܠܡܲܫܟܢܘܼܟ݂ ܡܚܘܿܬܵܐ.
11 ܣܵܒܵܒ ܒܸܬ ܦܵܩܹܕ ܠܡܲܠܲܐܟ݂ܘܼ̈ܗܝ ܒܘܼܬ ܕܝܼܘܼܟ݂، ܕܢܵܛܪܝܼ ܠܘܼܟ݂ ܒܟܠܵܝܗܝ ܐܘܼܪ̈ܚܵܬܘܼܟ݂.
