1 ܝܵܐ ܡܵܪܝܵܐ، ܒܹܝܬ ܡܲܥܡܪܵܐ ܐܲܢ݇ܬ ܗܘܹܐ ܠܘܼܟ݂ ܐܸܠܲܢ ܒܕܵܪܵܐ ܘܕܵܪܵܐ.
2 ܡ̣ܢ ܩܲܕܡ ܕܛܘܼܪܹ̈ܐ ܦܵܝܫܝܼ ܗܘܵܘ ܝܠܝܼܕܹܐ، ܘܬܲܪܨܸܬ ܗܘܵܐ ܐܲܪܥܵܐ ܘܒܪܝܼܬܵܐ، ܡ̣ܢ ܥܵܠܲܡ ܘܥܵܠܲܡ ܐܲܢ݇ܬ ܝܼܘܸܬ ܐܲܠܵܗܵܐ.
3 ܟܹܐ ܡܲܕܸܪܸܬ ܠܹܗ ܐܢܵܫܵܐ ܠܥܲܦܪܵܐ، ܘܟܹܐ ܐܵܡܪܹܬ: ”ܕܘܼܪܘܼܢ، ܝܵܐ ܒܢܲܝ̈ܢܵܫܵܐ.“
4 ܣܵܒܵܒ ܐܲܠܦܵܐ ܫܸܢܹ̈ܐ ܒܥܲܝ̈ܢܘܼܟ݂، ܐܲܝܟ݂ ܐܬܸܡܵܠܝ ܝܢܵܐ ܕܥܒ݂ܝܼܪܹܗ، ܘܐܲܝܟ݂ ܒܲܕܠܵܐ ܕܠܲܝܠܹܐ.
5 ܓܪܝܼܦܵܝ ܠܘܼܟ݂، ܗܘܹܐ ܠܗܘܿܢ ܐܲܝܟ݂ ܫܸܢܬܵܐ، ܐܲܝܟ݂ ܓܸܠܵܐ ܕܡܲܩܝܸܢ ܒܨܲܦܪܵܐ،
6 ܒܨܲܦܪܵܐ ܟܹܐ ܡܲܓ̰ܝܸܢ ܘܟܹܐ ܡܲܩܝܸܢ، ܒܪܲܡܫܵܐ ܟܹܐ ܟ̰ܵܡܹܟ̃ ܘܟܹܐ ܒܵܪܹܙ.
7 ܣܵܒܵܒ ܬܝܼܡ ܠܲܢ ܒܟܲܪܒܘܼܟ݂، ܘܒܚܸܡܬܘܼܟ݂ ܦܝܼܫ ܠܲܢ ܫܓ݂ܝܼܫܹܐ.
8 ܡܘܼܬܸܒ݂ ܠܘܼܟ݂ ܥܵܘܠܲܢ̈ ܠܒܲܠܩܘܼܒ݂ܠܘܼܟ݂، ܚܛܵܗܲܢ̈ ܛܸܫܝܹ̈ܐ ܩܲܕܡ ܒܲܗܪܵܐ ܕܦܵܬܘܼܟ݂.
