26 ”ܗ̇ܘ ܒܸܬ ܩܵܪܹܐ ܠܝܼ: ’ܒܵܒܝܼ ܝܘܸܬ ܐܲܢ݇ܬ، ܐܲܠܵܗܝܼ ܘܐܝܼܨܵܪܵܐ ܕܦܘܼܪܩܵܢܝܼ.‘
27 ”ܐܘܼܦ ܐܵܢܵܐ ܒܘܼܟ݂ܪܵܐ ܒܸܬ ܥܵܒ݂ܕܹܢܹܗ، ܥܸܠܵܝܵܐ ܥܲܠܔ ܡܲܠܟܹ̈ܐ ܕܐܲܪܥܵܐ.
28 ”ܠܥܵܠܲܡ ܒܸܬ ܢܵܛܪܹܢ ܩܵܐ ܕܝܼܹܗ ܛܲܝܒܘܼܬܝܼ، ܘܘܲܥܕܝܼ ܒܸܬ ܦܵܐܹܫ ܡܘܼܩܘܝܼܵܐ ܐܸܠܹܗ.
29 ”ܒܸܬ ܡܲܬܒܸܢ ܠܥܵܠܲܡ ܙܲܪܥܹܗ، ܘܟܘܼܪܣܝܹܗ ܐܲܝܟ݂ ܝܵܘܡܵܢܹ̈ܐ ܕܫܡܲܝܵܐ.
30 ”ܐܸܢ ܫܵܒ݂ܩܝܼ ܒܢܘܿܢܘܼ̈ܗܝ ܢܵܡܘܿܣܝܼ، ܘܒܕܝܼܘܵܢܝܼ̈ ܠܵܐ ܚܵܕܪܝܼ،
31 ”ܐܸܢ ܩܵܢܘܿܢܝܼ ܟ̰ܲܦܠܸܢܝܼ، ܘܦܘܼܩܕܵܢܝܼ̈ ܠܵܐ ܢܵܛܪܝܼ،
32 ”ܒܸܬ ܣܲܚܒܸܪܸܢ ܒܩܵܛܝܼܵܐ ܓܢܵܗܵܝܗܝ، ܘܒܡܲܚܘܵܬܹ̈ܐ ܥܵܘܠܵܝܗܝ.
33 ”ܐܝܼܢܵܐ ܛܲܝܒܘܼܬܝܼ ܠܹܐ ܩܵܛܥܹܢ ܡܸܢܹܗ، ܘܠܹܐ ܕܲܓܠܸܢ ܥܲܠܔ ܡܗܘܼܡܢܘܼܬܝܼ،
34 ”ܠܹܐ ܟ̰ܲܦܠܸܢܸܢ ܘܲܥܕܝܼ، ܘܡܸܢܕܝܼ ܕܦܠܝܼܛ ܠܹܗ ܡ̣ܢ ܣܸܦܘܵܬܝܼ̈ ܠܹܐ ܫܲܚܠܸܦܸܢ.
35 ”ܚܕܵܐ ܓܵܗܵܐ ܝܡܹܐ ܠܝܼ ܒܩܘܼܕܫܝܼ، ܠܹܐ ܕܲܓܠܸܢ ܠܕܵܘܝܼܕ.
36 ”ܙܲܪܥܹܗ ܠܥܵܠܲܡ ܒܸܬ ܗܵܘܹܐ، ܘܟܘܼܪܣܝܹܗ ܐܲܝܟ݂ ܫܸܡܫܵܐ ܠܒܲܠܩܘܼܒ݂ܠܝܼ.
37 ”ܐܲܝܟ݂ ܣܲܗܪܵܐ ܒܸܬ ܩܵܘܹܐ ܠܥܵܠܲܡ، ܘܣܵܗܕܵܐ ܒܫܡܲܝܵܐ ܡܗܘܼܡܢܵܐ.“ ܣܹܠܵܗ
38 ܐܝܼܢܵܐ ܐܲܢ݇ܬ، ܪܘܼܦܹܐ ܠܘܼܟ݂ ܘܡܘܼܣܠܹܐ ܠܘܼܟ݂، ܟܪܝܼܒ ܠܘܼܟ݂ ܥܲܠܔ ܡܫܝܼܚܘܼܟ݂.
39 ܣܪܝܼܒ݂ ܠܘܼܟ݂ ܘܲܥܕܵܐ ܕܪܹܓܘܼܟ݂، ܟ̰ܘܼܦܠܸܢܘܼܟ݂ ܥܲܠܔ ܐܲܪܥܵܐ ܒܸܢܦܵܪܹܗ.
40 ܬܪܝܼܥ ܠܘܼܟ݂ ܠܟܠܵܝܗܝ ܣܝܵܓ݂ܘܼ̈ܗܝ، ܥܒ݂ܝܼܕ ܠܘܼܟ݂ ܩܲܠܥܵܬܘܼ̈ܗܝ ܚܵܪܵܒܵܐ.
41 ܣܠܝܼܒ ܠܗܘܿܢ ܐܸܠܹܗ ܟܠܵܝܗܝ ܥܵܒ݂ܪ̈ܵܢܹܐ ܕܐܘܼܪܚܵܐ، ܗܘܹܐ ܠܹܗ ܠܵܘܡܵܐ ܠܫܒ݂ܵܒ݂ܘܼ̈ܗܝ.
42 ܡܘܼܪܸܡ ܠܘܼܟ݂ ܝܲܡܝܼܢܵܐ ܕܡܲܠܝܸܨܵܢܘܼ̈ܗܝ، ܡܘܼܚܕܹܐ ܠܘܼܟ݂ ܟܠܵܝܗܝ ܕܸܫ̃ܡܸܢܘܼ̈ܗܝ.
43 ܐܘܼܦ ܡܘܼܚܕܸܪܘܼܟ݂ ܚܸܪܦܵܐ ܕܣܲܝܦܹܗ، ܘܠܵܐ ܡܘܼܩܘܹܐ ܠܘܼܟ݂ ܐܸܠܹܗ ܓܵܘ ܦܠܵܫܵܐ.
44 ܡܘܼܟܠܹܐ ܠܘܼܟ݂ ܠܙܲܗܝܘܼܬܹܗ، ܘܟܘܼܪܣܝܹܗ ܠܐܲܪܥܵܐ ܚܘܼܪܙܸܦ ܠܘܼܟ݂.
45 ܡܘܼܟܪܹܐ ܠܘܼܟ݂ ܝܵܘܡܵܢܹ̈ܐ ܕܥܠܲܝܡܘܼܬܹܗ، ܡܘܼܟܸܣ ܠܘܼܟ݂ ܥܲܠܘܼܗܝ ܢܟ݂ܝܼܦܬܵܐ. ܣܹܠܵܗ
46 ܗܲܠܔ ܐܝܼܡܲܢ، ܝܵܐ ܡܵܪܝܵܐ، ܒܸܬ ܛܲܫܹܝܬ ܓܵܢܘܼܟ݂ ܠܥܵܠܲܡ؟ ܒܸܬ ܠܵܗܝܵܐ ܐܲܝܟ݂ ܢܘܼܪܵܐ ܚܸܡܬܘܼܟ݂؟
47 ܕܟ݂ܘܿܪ ܡܘܼܕܝܼ ܝܠܹܗ ܡܸܬܚܵܐ ܕܚܲܝܝܼ̈، ܒܘܼܬ ܡܘܼܕܝܼ ܣܪܝܼܩܘܼܬܵܐ ܒܪܹܐ ܠܘܼܟ݂ ܠܟܠܵܝܗܝ ܒܢܲܝ̈ܢܵܫܵܐ؟
48 ܡܵܢܝܼ ܝܠܹܗ ܓܲܒ݂ܪܵܐ ܕܚܵܝܹܐ ܘܠܵܐ ܚܵܙܹܐ ܡܵܘܬܵܐ، ܕܚܲܠܹܨ ܠܵܗ̇ ܓܵܢܹܗ ܡ̣ܢ ܐܝܼܕܵܐ ܕܫܝܘܿܠܔ؟ ܣܹܠܵܗ
49 ܐܲܝܟܵܐ ܝܢܵܐ ܛܲܝܒܘܵܬܘܼ̈ܟ݂ ܩܲܕܝܼܡܵܝܹ̈ܐ، ܝܵܐ ܡܵܪܝܵܐ، ܕܝܡܹܐ ܠܘܼܟ݂ ܠܕܵܘܝܼܕ ܒܡܗܘܼܡܢܘܼܬܘܼܟ݂؟
50 ܕܟ݂ܘܿܪ، ܝܵܐ ܡܵܪܝܵܐ، ܠܵܘܡܵܐ ܕܪܹ̈ܓܵܘܵܬܘܼܟ݂، ܕܩܘܼܒܸܠܔ ܠܝܼ ܒܥܘܼܒܝܼ ܡ̣ܢ ܟܠܵܝܗܝ ܥܲܡܡܹ̈ܐ ܣܲܓܝܼܐܹ̈ܐ،
51 ܕܠܝܼܡ ܠܗܘܿܢ ܕܸܫ̃ܡܸܢܘܼ̈ܟ݂، ܝܵܐ ܡܵܪܝܵܐ، ܕܠܝܼܡ ܠܗܘܿܢ ܠܦܵܣܘܿܥܝܵܬܹ̈ܐ ܕܡܫܝܼܚܘܼܟ݂.
52 ܒܪܝܼܟ݂ܵܐ ܝܠܹܗ ܡܵܪܝܵܐ ܠܥܵܠܲܡ، ܐܵܡܹܝܢ ܘܐܵܡܹܝܢ.
