19 ܗ̇ܝܓܵܗ ܗܘܼܡܙܸܡ ܠܘܼܟ݂ ܒܚܸܙܘܵܐ ܥܲܡ ܙܲܕܝܼܩܘܼ̈ܟ݂، ܘܐܡܝܼܪܘܼܟ݂: ”ܝܘܼܗܒܹܠܔ ܠܝܼ ܗܲܝܲܪܬܵܐ ܠܓܲܒܵܪܵܐ، ܡܘܼܪܸܡ ܠܝܼ ܓܘܼܒܝܵܐ ܡ̣ܢ ܓܵܘ ܥܲܡܵܐ.
20 ”ܡܘܼܫ݇ܟ̰ܸܚ ܠܝܼ ܠܕܵܘܝܼܕ ܪܹܓܝܼ، ܒܡܸܫܚܵܐ ܕܩܘܼܕܫܝܼ ܩܵܡ ܡܵܫܚܹܢܹܗ.
21 ”ܐܝܼܕܝܼ ܒܸܬ ܗܵܘܝܵܐ ܡܩܵܘܝܵܢܬܵܐ ܥܲܡܹܗ، ܐܘܼܦ ܕܪܲܥܢܝܼ ܒܸܬ ܚܲܠܸܢ ܐܸܠܹܗ.
22 ”ܠܹܐ ܥܲܠܕܹܐ ܕܸܫ̃ܡܸܢ ܐܸܠܹܗ، ܘܒܪܘܿܢܵܐ ܕܥܵܘܠܵܐ ܠܹܐ ܡܲܠܝܸܨ ܠܹܗ.
23 ”ܒܸܬ ܛܵܒ݂ܚܹܢ ܡ̣ܢ ܩܲܕܡܘܼܗܝ ܕܸܫ̃ܡܸܢܘܼ̈ܗܝ، ܘܣܵܢܝܵܢܘܼ̈ܗܝ ܒܸܬ ܡܵܚܹܝܢ.
24 ”ܡܗܘܼܡܢܘܼܬܝܼ ܘܛܲܝܒܘܼܬܝܼ ܥܲܡܹܗ ܒܸܬ ܗܵܘܝܼ، ܘܒܫܸܡܝܼ ܒܸܬ ܪܵܐܹܡ ܚܲܝܠܹܗ.
