11 ܕܝܼܘܼܟ݂ ܝܼܠܵܗ̇ ܫܡܲܝܵܐ، ܐܘܼܦ ܕܝܼܘܼܟ݂ ܝܼܠܵܗ̇ ܐܲܪܥܵܐ، ܒܪܝܼܬܵܐ ܘܡܸܠܝܘܼܬܘܼܗ̇ ܐܲܢ݇ܬ ܫܘܼܬܐܸܣܵܝ ܠܘܼܟ݂.
12 ܓܲܪܒܝܵܐ ܘܬܲܝܡܢܵܐ ܐܲܢ݇ܬ ܒܸܪܝܵܝ ܠܘܼܟ݂، ܬܵܒ݂ܘܿܪ ܘܚܸܪܡܘܿܢ ܒܫܸܡܘܼܟ݂ ܟܹܐ ܩܲܘܸܚܝܼ.
13 ܕܝܼܘܼܟ݂ ܝܼܠܹܗ ܕܪܲܥܢܵܐ ܥܲܡ ܓܲܒܵܪܘܼܬܵܐ، ܚܲܝܠܵܢܬܵܐ ܝܠܵܗ̇ ܐܝܼܕܘܼܟ݂، ܪܵܡܬܵܐ ܝܠܵܗ̇ ܝܲܡܝܼܢܘܼܟ݂.
14 ܙܲܕܝܼܩܘܼܬܵܐ ܘܕܝܼܘܵܢ ܫܲܬܐܸܣܬܵܐ ܕܟܘܼܪܣܝܘܼܟ݂، ܛܲܝܒܘܼܬܵܐ ܘܫܪܵܪܵܐ ܟܹܐ ܩܲܕܡܝܼ ܦܵܬܘܼܟ݂.
15 ܛܘܼܒ݂ܵܐ ܠܥܲܡܵܐ ܕܝܵܕܥܝܼ ܩܲܘܲܚܬܵܐ ܕܚܲܕܘܼܬܵܐ، ܝܵܐ ܡܵܪܝܵܐ، ܒܒܲܗܪܵܐ ܕܦܵܬܘܼܟ݂ ܟܹܐ ܚܵܕܪܝܼ،
16 ܒܫܸܡܘܼܟ݂ ܟܹܐ ܦܵܨܚܝܼ ܟܠܹܗ ܝܵܘܡܵܐ، ܘܒܙܲܕܝܼܩܘܼܬܘܼܟ݂ ܟܹܐ ܪܵܝܡܝܼ.
17 ܣܵܒܵܒ ܚܸܩܪܵܐ ܕܥܘܼܫܢܵܝܗܝ ܐܲܢ݇ܬ ܝܼܘܸܬ، ܘܒܨܸܒ݂ܝܵܢܘܼܟ݂ ܟܹܐ ܪܵܐܹܡ ܚܲܝܠܲܢ.
