1 ܛܲܝܒܘܵܬܹ̈ܐ ܕܡܵܪܝܵܐ ܠܥܵܠܲܡ ܒܸܬ ܙܵܡܪܹܢ، ܠܕܵܪܵܐ ܘܕܵܪܵܐ ܒܸܬ ܡܲܕܥܸܢ ܡܗܘܼܡܢܘܼܬܘܼܟ݂ ܒܦܘܼܡܝܼ.
2 ܣܵܒܵܒ ܐܡܝܼܪܝܼ: ܠܥܵܠܲܡ ܛܲܝܒܘܼܬܵܐ ܒܸܬ ܦܵܝܫܵܐ ܒܢܝܼܬܵܐ، ܒܫܡܲܝܵܐ ܒܸܬ ܡܲܩܘܹܝܬ ܡܗܘܼܡܢܘܼܬܘܼܟ݂.
3 ܐܡܝܼܪܹܗ ܡܵܪܝܵܐ: ”ܩܛܝܼܥ ܠܝܼ ܘܲܥܕܵܐ ܠܓܘܼܒܝܝܼ، ܝܡܹܐ ܠܝܼ ܠܕܵܘܝܼܕ ܪܹܓܝܼ،
4 ”ܗܲܠܔ ܥܵܠܲܡ ܒܸܬ ܡܲܩܘܹܝܢ ܙܲܪܥܘܼܟ݂، ܘܒܸܬ ܒܵܢܹܝܢ ܠܕܵܪܵܐ ܘܕܵܪܵܐ ܟܘܼܪܣܝܘܼܟ݂.“ ܣܹܠܵܗ
5 ܒܸܬ ܫܲܟܪܝܼ ܫܡܲܝܹ̈ܐ ܕܘܼܡܵܪ̈ܘܼܟ݂، ܝܵܐ ܡܵܪܝܵܐ، ܐܘܼܦ ܡܗܘܼܡܢܘܼܬܘܼܟ݂ ܒܟܸܢܫܵܐ ܕܩܲܕܝܼܫܹ̈ܐ.
6 ܣܵܒܵܒ ܡܵܢܝܼ ܒܫܡܲܝܵܐ ܦܵܐܹܫ ܡܘܼܕܒܸܩܵܐ ܥܲܡ ܡܵܪܝܵܐ؟ ܡܵܢܝܼ ܕܵܡܹܐ ܠܡܵܪܝܵܐ ܓܵܘ ܒܢܘܿܢܹ̈ܐ ܕܐܲܠܵܗܹ̈ܐ؟
7 ܐܲܠܵܗܵܐ ܣܲܗܡܵܢܵܐ ܝܠܹܗ ܪܵܒܵܐ ܓܵܘ ܡܵܘܬܒ݂ܵܐ ܕܩܲܕܝܼܫܹ̈ܐ، ܘܣܲܗܡܵܢܵܐ ܥܲܠܔ ܟܠܵܝܗܝ ܚܵܕܸܪ̈ܘܵܢܘܼܗܝ.