3 ܣܵܒܵܒ ܒܘܼܚܸܠܔ ܠܝܼ ܒܚܬܝܼܪܹ̈ܐ، ܫܠܵܡܵܐ ܕܪ̈ܲܫܝܼܥܹܐ ܚܙܹܐ ܠܝܼ.
4 ܣܵܒܵܒ ܠܲܝܬ ܚܸܒ݂ܠܹ̈ܐ ܒܡܵܘܬܵܝܗܝ، ܘܛܪܝܼܨܵܐ ܝܠܹܗ ܦܲܓ݂ܪܵܝܗܝ.
5 ܒܥܲܡܠܵܐ ܕܐܢܵܫܵܐ ܠܹܐ ܝܢܵܐ، ܘܒܡܲܚܘܵܬܹ̈ܐ ܕܒܲܪܢܵܫܵܐ ܠܹܐ ܦܵܝܫܝܼ ܡܸܚܝܹܐ.
6 ܒܘܼܬ ܐܵܗܵܐ، ܠܒ݂ܝܼܫ ܠܗܘܿܢ ܫܘܼܒ݂ܗܵܪܵܐ ܠܬܵܘܩܵܝܗܝ، ܟܹܐ ܟܲܣܹܐ ܠܒ݂ܘܼܫܵܐ ܕܙܠܘܼܡܝܵܐ ܐܸܠܵܝܗܝ.
7 ܦܠܝܼܛܹܐ ܝܢܵܐ ܡ̣ܢ ܬܲܪܒܵܐ ܥܲܝ̈ܢܵܝܗܝ، ܥܒ݂ܝܼܪܗܘܿܢ ܡ̣ܢ ܟܝܘܼܠܵܐ ܚܘܼܫܵܒܹ̈ܐ ܕܠܸܒܵܝܗܝ.
8 ܟܹܐ ܡܲܣܚܸܪܝܼ ܘܟܹܐ ܗܲܡܙܸܡܝܼ ܒܒܝܼܫܬܵܐ، ܡ̣ܢ ܪܵܡܘܼܬܵܐ ܟܹܐ ܗܲܡܙܸܡܝܼ ܙܠܘܼܡܝܵܐ.
9 ܡܘܼܬܸܒ݂ ܠܗܘܿܢ ܒܫܡܲܝܵܐ ܦܘܼܡܵܝܗܝ، ܘܠܸܫܵܢܵܝܗܝ ܟܹܐ ܚܵܕܹܪ ܒܐܲܪܥܵܐ.
10 ܒܘܼܬ ܐܵܗܵܐ، ܥܲܡܵܐ ܟܹܐ ܕܵܐܹܪ ܠܟܸܣܠܵܝܗܝ، ܘܡ̈ܝܼܵܐ ܕܟܵܣܵܐ ܡܸܠܝܵܐ ܟܹܐ ܦܵܝܫܝܼ ܣܪܝܼܦܹܐ ܒܝܼܵܝܗܝ.
11 ܘܟܹܐ ܐܵܡܪܝܼ: ”ܕܵܐܟ݂ܝܼ ܟܹܐ ܝܵܕܹܥ ܐܲܠܵܗܵܐ؟ ܐܝܼܬ ܝܕܵܥܬܵܐ ܒܥܸܠܵܝܵܐ؟“
12 ܗܵܐ، ܐܲܢܹܐ ܝܢܵܐ ܪ̈ܲܫܝܼܥܹܐ، ܒܫܲܝܢܵܐ ܝܢܵܐ ܠܥܵܠܲܡ، ܘܡܘܼܙܝܸܕܹܐ ܝܢܵܐ ܥܘܼܬܪܵܐ.
13 ܒܫܪܵܪܵܐ، ܣܪܝܼܩܵܐܝܼܬ ܕܘܼܟܹܐ ܠܝܼ ܠܸܒܝܼ، ܘܚܘܼܠܸܠܔ ܠܝܼ ܒܙܲܟܵܝܘܼܬܵܐ ܐܝܼܕܵܬܝܼ̈.
14 ܘܗܘܹܐ ܠܝܼ ܡܸܚܝܵܐ ܒܡܲܚܘܵܬܹ̈ܐ ܟܠܹܗ ܝܵܘܡܵܐ، ܘܡܲܢܟܲܣܬܝܼ ܟܠܔ ܨܲܦܪܵܐ ܝܠܵܗ̇.
15 ܐܸܢ ܐܵܡܪܹܢ ܗܘܵܐ: ”ܒܸܬ ܗܲܩܹܝܢ ܗܵܕܟ݂ܵܐ،“ ܗܵܐ، ܠܬܵܘܠܲܕܬܵܐ ܕܒܢܘܿܢܘܼ̈ܟ݂ ܒܸܬ ܥܵܒ݂ܕܹܢ ܗܘܵܐ ܚܵܝܝܼܢܘܼܬܵܐ،
16 ܘܐܝܼܡܲܢ ܕܬܘܼܚܡܸܢܝܼ ܕܦܲܪܡܹܝܢ ܐܵܗܵܐ، ܚܙܹܐ ܠܝܼ ܕܥܲܡܠܵܐ ܝܗܘܵܐ ܒܥܲܝܢܝܼ̈،
17 ܗܲܠܔ ܕܥܒ݂ܝܼܪܝܼ ܠܡܲܩܕܫܵܐ ܕܐܲܠܵܗܵܐ، ܘܦܘܼܪܡܹܐ ܠܝܼ ܠܚܲܪܬܵܝܗܝ.
18 ܬܪܘܼܨܵܐ، ܟܹܐ ܡܲܬܒܸܬ ܠܗܘܿܢ ܒܕܘܼܟܵܢܹ̈ܐ ܡܲܓ̰ܪܸ̈ܛܵܢܹܐ، ܟܹܐ ܡܲܢܦܸܠܸܬ ܠܗܘܿܢ ܠܚܵܪ̈ܵܒܹܐ.
19 ܕܐܲܝܟ݂ ܐܬܹܐ ܠܗܘܿܢ ܠܚܪܵܒ݂ܵܐ ܒܛܲܪܦܲܛܬܵܐ ܕܥܲܝܢܵܐ، ܩܛܝܼܥ ܠܗܘܿܢ ܘܬܝܼܡ ܠܗܘܿܢ ܒܓܘܼܢܚܹ̈ܐ.
20 ܐܲܝܟ݂ ܚܸܠܡܵܐ ܝܢܵܐ ܡܒܵܬܪ ܪܥܵܫܬܵܐ، ܝܵܐ ܡܵܪܝܵܐ، ܒܬܥܵܪܬܘܼܟ݂ ܨܲܠܡܵܝܗܝ ܒܸܬ ܡܲܣܠܹܝܬ.
21 ܐܝܼܡܲܢ ܕܦܝܼܫ ܠܹܗ ܡܘܼܡܪܸܪܵܐ ܠܸܒܝܼ، ܘܓܵܘܝܼ ܦܝܼܫ ܠܹܗ ܟ̰ܪܝܼܙܵܐ،
22 ܐܵܢܵܐ ܐܲܗܡܲܩ ܝܼܘܸܢ ܗܘܵܐ، ܘܠܵܐ ܝܕܝܼܥ ܠܝܼ، ܗܲܝܘܵܢ ܗܘܹܐ ܠܝܼ ܟܸܣ ܠܘܼܟ݂.
23 ܘܗܸܫ ܐܵܢܵܐ ܐܲܡܝܼܢܵܐܝܼܬ ܥܲܡܘܼܟ݂ ܝܼܘܸܢ، ܕܒ݂ܝܼܩ ܠܘܼܟ݂ ܒܐܝܼܕܝܼ ܕܝܲܡܝܼܢܵܐ.
24 ܒܡܸܠܟܘܼܟ݂ ܒܸܬ ܬܲܓܒܸܪܸܬ ܠܝܼ، ܘܒܵܬܪ ܗܵܕܵܐ ܒܐܝܼܩܵܪܵܐ ܩܲܒܠܸܬ ܠܝܼ.
25 ܡܵܢܝܼ ܐܝܼܬ ܠܝܼ ܒܫܡܲܝܵܐ؟ ܘܫܒ݂ܘܿܩ ܡܸܢܘܼܟ݂ ܠܹܐ ܒܵܣܡܵܐ ܠܝܼ ܒܡܸܢܕܝܼ ܒܐܲܪܥܵܐ.
26 ܬܝܼܡ ܠܹܗ ܒܸܣܪܝܼ ܘܠܸܒܝܼ، ܐܝܼܨܵܪܵܐ ܕܠܸܒܝܼ ܘܣܵܗܡܝܼ ܐܲܠܵܗܵܐ ܝܠܹܗ ܠܥܵܠܲܡ.
27 ܣܵܒܵܒ ܗܵܐ، ܐܵܢܝܼ ܕܝܼܢܵܐ ܪܸܚܩܵܐ ܡܸܢܘܼܟ݂ ܒܸܬ ܛܵܠܩܝܼ، ܦܘܼܢܹܐ ܠܘܼܟ݂ ܟܠܔ ܙܲܢܵܝܵܐ ܡ̣ܢ ܟܸܣ ܠܘܼܟ݂.
