7 ܒܸܬ ܡܲܓ̰ܝܸܢܵܐ ܙܲܕܝܼܩܘܼܬܵܐ ܒܝܵܘܡܵܢܘܼ̈ܗܝ، ܘܒܘܼܫܵܝܘܼܬܵܐ ܕܫܠܵܡܵܐ ܗܲܠܔ ܕܠܵܐ ܗܵܘܹܐ ܣܲܗܪܵܐ.
8 ܘܒܸܬ ܗܲܟܸܡ ܡ̣ܢ ܝܵܡܵܐ ܗܲܠܔ ܝܵܡܵܐ، ܘܡ̣ܢ ܢܲܗܪܵܐ ܕܦܪܵܬ ܗܲܠܔ ܡܲܪ̈ܙܵܢܹܐ ܕܐܲܪܥܵܐ.
9 ܩܲܕܡܘܼܗܝ ܒܸܬ ܛܵܥܦܝܼ ܥܵܡܪ̈ܵܢܹܐ ܕܒܲܪܝܼܵܐ، ܘܕܸܫ̃ܡܸܢܘܼ̈ܗܝ ܥܲܦܪܵܐ ܒܸܬ ܠܵܟܚܝܼ.
10 ܡܲܠܟܹ̈ܐ ܕܬܲܪܫܝܼܫ ܘܕܓܵܙܪ̈ܵܬܹܐ ܡܵܘܗܲܒ݂ܬܵܐ ܒܸܬ ܡܲܝܬܝܼ، ܡܲܠܟܹ̈ܐ ܕܫܒ݂ܵܐ ܘܕܣܵܒ݂ܵܐ ܕܲܫܢܵܐ ܒܸܬ ܡܲܩܪܸܒ݂ܝܼ.
11 ܘܒܸܬ ܟܵܝܦܝܼ ܩܲܕܡܘܼܗܝ ܟܠܵܝܗܝ ܡܲܠܟܹ̈ܐ، ܟܠܵܝܗܝ ܐܸܡܘܵܬܹ̈ܐ ܒܸܬ ܦܵܠܚܝܼ ܐܸܠܹܗ.
12 ܣܵܒܵܒ ܒܸܬ ܦܲܨܹܐ ܠܣܢܝܼܩܵܐ ܕܩܲܘܸܚ، ܘܠܡܸܣܟܹܢܵܐ ܕܠܲܝܬ ܗܲܝܸܪܵܢܵܐ ܐܸܠܹܗ.
13 ܒܸܬ ܥܵܒܹܕ ܪ̈ܲܚܡܹܐ ܥܲܠܔ ܡܸܣܟܹܢܵܐ ܘܣܢܝܼܩܵܐ، ܘܓܵܢܵܬܹ̈ܐ ܕܣܢܝܼܩܹ̈ܐ ܒܸܬ ܦܲܪܸܩ.
14 ܡ̣ܢ ܛܠܘܼܡܝܵܐ ܘܡ̣ܢ ܚܸܡܬܵܐ ܒܸܬ ܦܲܪܸܩ ܓܵܢܵܝܗܝ، ܘܒܸܬ ܗܵܘܹܐ ܝܲܩܝܼܪܵܐ ܕܸܡܵܝܗܝ ܒܥܲܝܢܘܼ̈ܗܝ.
