15 ܘܒܸܬ ܚܵܝܹܐ، ܘܒܸܬ ܝܵܗܒ݂ܝܼ ܐܸܠܹܗ ܡ̣ܢ ܕܲܗܒ݂ܵܐ ܕܫܒ݂ܵܐ، ܘܒܸܬ ܨܲܠܝܼ ܒܘܼܬ ܕܝܼܹܗ ܐܲܡܝܼܢܵܐܝܼܬ، ܟܠܹܗ ܝܵܘܡܵܐ ܒܸܬ ܒܲܪܟ݂ܝܼ ܠܹܗ.
16 ܒܸܬ ܗܵܘܝܵܐ ܦܸܪܝܘܼܬܵܐ ܕܕܲܚܠܵܐ ܒܐܲܪܥܵܐ ܒܪܹܝܫܵܐ ܕܛܘܼܪ̈ܵܢܹܐ، ܒܸܬ ܫܵܥܫܵܐ ܐܲܝܟ݂ ܠܸܒ݂ܢܵܢ ܛܥܘܼܢܬܹܗ، ܘܒܸܬ ܦܵܩܚܝܼ ܐܢܵܫܹ̈ܐ ܡ̣ܢ ܡܕܝܼܢ݇ܬܵܐ ܐܲܝܟ݂ ܓܸܠܵܐ ܕܐܲܪܥܵܐ.
17 ܒܸܬ ܗܵܘܹܐ ܫܸܡܹܗ ܠܥܵܠܲܡ، ܘܒܸܬ ܦܵܐܹܫ ܫܸܡܹܗ ܟܡܵܐ ܕܐܝܼܬ ܫܸܡܫܵܐ، ܘܒܸܬ ܦܵܝܫܝܼ ܒܘܼܪܟܹܐ ܒܝܼܹܗ ܟܠܵܝܗܝ ܐܸܡܘܵܬܹ̈ܐ، ܘܒܸܬ ܝܵܗܒ݂ܝܼ ܠܹܗ ܛܘܼܒ݂ܵܐ.
18 ܒܪܝܼܟ݂ܵܐ ܝܠܹܗ ܡܵܪܝܵܐ ܐܲܠܵܗܵܐ، ܐܲܠܵܗܵܐ ܕܐܝܼܣܪܵܐܹܝܠܔ، ܥܵܒ݂ܕܵܢܹ̈ܐ ܕܥܲܓ̰ܝܼܒܘܼܝܵܬܹ̈ܐ ܒܢܲܦ̮ܫܹܗ.
19 ܘܒܪܝܼܟ݂ܵܐ ܝܠܹܗ ܫܸܡܹܗ ܡܝܘܼܩܪܵܐ ܠܥܵܠܲܡ، ܘܦܵܝܫܵܐ ܡܠܝܼܬܵܐ ܟܠܵܗ̇ ܐܲܪܥܵܐ ܐܝܼܩܵܪܹܗ، ܐܵܡܹܝܢ ܘܐܵܡܹܝܢ.
