10 ܡܲܠܟܹ̈ܐ ܕܬܲܪܫܝܼܫ ܘܕܓܵܙܪ̈ܵܬܹܐ ܡܵܘܗܲܒ݂ܬܵܐ ܒܸܬ ܡܲܝܬܝܼ، ܡܲܠܟܹ̈ܐ ܕܫܒ݂ܵܐ ܘܕܣܵܒ݂ܵܐ ܕܲܫܢܵܐ ܒܸܬ ܡܲܩܪܸܒ݂ܝܼ.
11 ܘܒܸܬ ܟܵܝܦܝܼ ܩܲܕܡܘܼܗܝ ܟܠܵܝܗܝ ܡܲܠܟܹ̈ܐ، ܟܠܵܝܗܝ ܐܸܡܘܵܬܹ̈ܐ ܒܸܬ ܦܵܠܚܝܼ ܐܸܠܹܗ.
12 ܣܵܒܵܒ ܒܸܬ ܦܲܨܹܐ ܠܣܢܝܼܩܵܐ ܕܩܲܘܸܚ، ܘܠܡܸܣܟܹܢܵܐ ܕܠܲܝܬ ܗܲܝܸܪܵܢܵܐ ܐܸܠܹܗ.
13 ܒܸܬ ܥܵܒܹܕ ܪ̈ܲܚܡܹܐ ܥܲܠܔ ܡܸܣܟܹܢܵܐ ܘܣܢܝܼܩܵܐ، ܘܓܵܢܵܬܹ̈ܐ ܕܣܢܝܼܩܹ̈ܐ ܒܸܬ ܦܲܪܸܩ.
14 ܡ̣ܢ ܛܠܘܼܡܝܵܐ ܘܡ̣ܢ ܚܸܡܬܵܐ ܒܸܬ ܦܲܪܸܩ ܓܵܢܵܝܗܝ، ܘܒܸܬ ܗܵܘܹܐ ܝܲܩܝܼܪܵܐ ܕܸܡܵܝܗܝ ܒܥܲܝܢܘܼ̈ܗܝ.
15 ܘܒܸܬ ܚܵܝܹܐ، ܘܒܸܬ ܝܵܗܒ݂ܝܼ ܐܸܠܹܗ ܡ̣ܢ ܕܲܗܒ݂ܵܐ ܕܫܒ݂ܵܐ، ܘܒܸܬ ܨܲܠܝܼ ܒܘܼܬ ܕܝܼܹܗ ܐܲܡܝܼܢܵܐܝܼܬ، ܟܠܹܗ ܝܵܘܡܵܐ ܒܸܬ ܒܲܪܟ݂ܝܼ ܠܹܗ.
16 ܒܸܬ ܗܵܘܝܵܐ ܦܸܪܝܘܼܬܵܐ ܕܕܲܚܠܵܐ ܒܐܲܪܥܵܐ ܒܪܹܝܫܵܐ ܕܛܘܼܪ̈ܵܢܹܐ، ܒܸܬ ܫܵܥܫܵܐ ܐܲܝܟ݂ ܠܸܒ݂ܢܵܢ ܛܥܘܼܢܬܹܗ، ܘܒܸܬ ܦܵܩܚܝܼ ܐܢܵܫܹ̈ܐ ܡ̣ܢ ܡܕܝܼܢ݇ܬܵܐ ܐܲܝܟ݂ ܓܸܠܵܐ ܕܐܲܪܥܵܐ.