7 ܫܲܠܛܵܢܵܐ ܝܠܹܗ ܒܓܲܒܵܪܘܼܬܹܗ ܠܥܵܠܲܡ، ܥܲܝܢܘܼ̈ܗܝ ܠܐܸܡܘܵܬܹ̈ܐ ܟܹܐ ܩܲܙܸܕܝܼ، ܡܵܪ̈ܘܿܕܹܐ ܠܵܐ ܡܲܪܡܝܼ ܓܵܢܵܝܗܝ. ܣܹܠܵܗ
8 ܒܲܪܟ݂ܘܼܢ، ܝܵܐ ܥܲܡܡܹ̈ܐ، ܠܐܲܠܵܗܲܢ، ܘܡܲܫܡܸܥܡܘܼܢ ܩܵܠܵܐ ܕܬܸܫܒܘܿܚܬܹܗ،
9 ܗ̇ܘ ܕܚܘܼܡܹܐ ܠܹܗ ܓܵܢܲܢ ܒܚܲܝܹ̈ܐ، ܘܠܵܐ ܫܒ݂ܝܼܩ ܠܹܗ ܕܫܵܥܫܵܐ ܐܲܩܠܲܢ.
10 ܒܗ̇ܝ ܕܩܵܡ ܒܵܚܪܹܬ ܠܲܢ، ܝܵܐ ܐܲܠܵܗܵܐ، ܩܵܡ ܨܲܪܸܦܸܬ ܠܲܢ ܐܲܝܟ݂ ܨܲܪܲܦܬܵܐ ܕܣܹܐܡܵܐ.
11 ܩܵܡ ܡܲܥܒܸܪܸܬ ܠܲܢ ܓܵܘ ܓܲܪܕܵܐ، ܡܘܼܬܸܒ݂ ܠܘܼܟ݂ ܟܵܪܬܵܐ ܥܲܠܔ ܚܵܨܲܢ.
12 ܡܘܼܪܟܸܒ݂ ܠܘܼܟ݂ ܒܲܪܢܵܫܵܐ ܒܪܹܝܫܲܢ، ܥܒ݂ܝܼܪܲܢ ܒܢܘܼܪܵܐ ܘܒܡ̈ܝܼܵܐ، ܐܝܼܢܵܐ ܩܵܡ ܦܲܠܛܸܬ ܠܲܢ ܠܕܘܼܟܬܵܐ ܕܦܸܪܝܘܼܬܵܐ.
13 ܒܸܬ ܥܵܒ݂ܪܹܢ ܠܒܲܝܬܘܼܟ݂ ܒܕܸܒ݂ܚܹ̈ܐ ܡܘܼܩܕܹ̈ܐ، ܒܸܬ ܬܲܡܸܡܸܢ ܐܸܠܘܼܟ݂ ܢܸܕܪ̈ܝܼ؛
14 ܐܲܝܢܝܼ ܕܗܘܼܡܙܸܡ ܠܗܘܿܢ ܣܸܦܘܵܬܝܼ̈، ܘܦܠܝܼܛ ܠܗܘܿܢ ܡ̣ܢ ܦܘܼܡܝܼ ܟܲܕ ܒܥܵܘܩܵܢܵܐ ܝܘܸܢ ܗܘܵܐ.
15 ܕܸܒ݂ܚܹ̈ܐ ܡܘܼܩܕܹ̈ܐ ܕܛܪ̈ܝܼܨܹܐ ܒܸܬ ܡܲܐܣܩܸܢ ܐܸܠܘܼܟ݂، ܥܲܡ ܒܸܣܡܵܐ ܕܒܲܪ̈ܥܵܢܹܐ، ܒܸܬ ܥܵܒ݂ܕܹܢ ܕܸܒ݂ܚܹ̈ܐ ܕܬܵܘܪܹ̈ܐ ܥܲܡ ܓܸܕܝܹ̈ܐ. ܣܹܠܵܗ
