5 ܬܹܝܡܘܼܢ ܘܚܙܹܝܡܘܼܢ ܦܘܼܠܚܵܢܹ̈ܐ ܕܐܲܠܵܗܵܐ، ܣܲܗܡܵܢܹ̈ܐ ܝܢܵܐ ܦܘܼܠܚܵܢܘܼ̈ܗܝ ܒܓܵܘܵܐ ܕܒܢܲܝ̈ܢܵܫܵܐ.
6 ܡܘܼܚܕܸܪܹܗ ܝܵܡܵܐ ܠܒܸܪܙܵܐ، ܡܓܵܘ ܢܲܗܪܵܐ ܥܒ݂ܝܼܪܗܘܿܢ ܒܐܲܩܠܵܐ، ܫܒ݂ܘܿܩ ܚܵܕܲܚ ܒܝܼܹܗ ܬܵܡܵܐ.
7 ܫܲܠܛܵܢܵܐ ܝܠܹܗ ܒܓܲܒܵܪܘܼܬܹܗ ܠܥܵܠܲܡ، ܥܲܝܢܘܼ̈ܗܝ ܠܐܸܡܘܵܬܹ̈ܐ ܟܹܐ ܩܲܙܸܕܝܼ، ܡܵܪ̈ܘܿܕܹܐ ܠܵܐ ܡܲܪܡܝܼ ܓܵܢܵܝܗܝ. ܣܹܠܵܗ
8 ܒܲܪܟ݂ܘܼܢ، ܝܵܐ ܥܲܡܡܹ̈ܐ، ܠܐܲܠܵܗܲܢ، ܘܡܲܫܡܸܥܡܘܼܢ ܩܵܠܵܐ ܕܬܸܫܒܘܿܚܬܹܗ،
9 ܗ̇ܘ ܕܚܘܼܡܹܐ ܠܹܗ ܓܵܢܲܢ ܒܚܲܝܹ̈ܐ، ܘܠܵܐ ܫܒ݂ܝܼܩ ܠܹܗ ܕܫܵܥܫܵܐ ܐܲܩܠܲܢ.
10 ܒܗ̇ܝ ܕܩܵܡ ܒܵܚܪܹܬ ܠܲܢ، ܝܵܐ ܐܲܠܵܗܵܐ، ܩܵܡ ܨܲܪܸܦܸܬ ܠܲܢ ܐܲܝܟ݂ ܨܲܪܲܦܬܵܐ ܕܣܹܐܡܵܐ.
11 ܩܵܡ ܡܲܥܒܸܪܸܬ ܠܲܢ ܓܵܘ ܓܲܪܕܵܐ، ܡܘܼܬܸܒ݂ ܠܘܼܟ݂ ܟܵܪܬܵܐ ܥܲܠܔ ܚܵܨܲܢ.
12 ܡܘܼܪܟܸܒ݂ ܠܘܼܟ݂ ܒܲܪܢܵܫܵܐ ܒܪܹܝܫܲܢ، ܥܒ݂ܝܼܪܲܢ ܒܢܘܼܪܵܐ ܘܒܡ̈ܝܼܵܐ، ܐܝܼܢܵܐ ܩܵܡ ܦܲܠܛܸܬ ܠܲܢ ܠܕܘܼܟܬܵܐ ܕܦܸܪܝܘܼܬܵܐ.
