2 ܝܵܐ ܫܵܡܥܵܢܵܐ ܕܨܠܘܿܬܵܐ، ܠܟܸܣܠܘܼܟ݂ ܟܠܔ ܐܢܵܫܵܐ ܒܸܬ ܐܵܬܹܐ.
3 ܥܵܘ̈ܠܹܐ ܙܘܼܪܒܸܢܗܘܿܢ ܥܲܠܝܼ، ܓܢܵܗܲܢ̈ ܐܲܢ݇ܬ ܟܹܐ ܦܲܚܠܸܬ ܠܗܘܿܢ.
4 ܛܘܼܒ݂ܵܐ ܠܡ̇ܢ ܕܓܲܒܹܝܬ ܘܩܲܪܒܸܢܸܬ ܠܹܗ ܐܸܠܘܼܟ݂ ܕܫܵܪܹܐ ܒܕܵܪ̈ܵܬܘܼܟ݂. ܒܸܬ ܣܵܒ݂ܥܲܚ ܒܛܵܒ݂ܬܵܐ ܕܒܲܝܬܘܼܟ݂، ܒܩܲܕܝܼܫܘܼܬܵܐ ܕܗܲܝܟܠܘܼܟ݂.
5 ܒܣܲܗܡܵܢܘܼܝܵܬܹ̈ܐ ܟܹܐ ܓ̰ܲܘܸܒܸܬ ܠܲܢ ܒܙܲܕܝܼܩܘܼܬܵܐ، ܝܵܐ ܐܲܠܵܗܵܐ ܕܦܘܼܪܩܵܢܲܢ، ܣܲܒ݂ܪܵܐ ܕܟܠܵܝܗܝ ܡܲܪ̈ܙܵܢܹܐ ܕܐܲܪܥܵܐ، ܘܝܵܡܵܬܹ̈ܐ ܪ̈ܲܚܝܼܩܹܐ،
6 ܡܫܲܬܐܸܣܵܢܵܐ ܕܛܘܼܪܹ̈ܐ ܒܚܲܝܠܹܗ، ܚܠܝܼܨܵܐ ܒܓܲܒܵܪܘܼܬܵܐ،
7 ܡܲܫܠܝܼܵܢܵܐ ܕܫܓ݂ܘܼܫܝܵܐ ܕܝܵܡܵܬܹ̈ܐ، ܫܓ݂ܘܼܫܝܵܐ ܕܠܲܦܵܝ̈ܗܝ، ܘܚܒ݂ܵܛܵܐ ܕܥܲܡܡܹ̈ܐ.
8 ܘܟܹܐ ܙܵܕܥܝܼ ܥܵܡܪ̈ܵܢܹܐ ܕܡܲܪ̈ܙܵܢܹܐ ܕܐܲܪܥܵܐ ܡ̣ܢ ܢܝܼܫܲܢܩܘܼ̈ܟ݂، ܦܠܵܛܵܐ ܕܨܲܦܪܵܐ ܘܕܪܲܡܫܵܐ ܟܹܐ ܥܵܒ݂ܕܹܬ ܫܲܒܚܝܼ.
9 ܣܘܼܚܒܸܪܘܼܟ݂ ܠܐܲܪܥܵܐ ܘܡܘܼܫܬܝܼܵܐ ܠܘܼܟ݂، ܟܹܐ ܥܵܒ݂ܕܹܬ ܠܵܗ̇ ܥܲܬܝܼܪܬܵܐ ܪܵܒܵܐ. ܫܵܩܝܼܬܵܐ ܕܐܲܠܵܗܵܐ ܡܠܝܼܬܵܐ ܝܠܵܗ̇ ܡ̈ܝܼܵܐ، ܟܹܐ ܬܲܪܨܸܬ ܕܲܚܠܵܝܗܝ ܣܵܒܵܒ ܗܵܕܟ݂ܵܐ ܗܘܼܕܪܘܼܗ̇ ܝܘܸܬ.
10 ܟܪ̈ܝܼܒ݂ܘܼܗ̇ ܟܹܐ ܡܲܫܬܹܝܬ ܒܣܒ݂ܵܥܬܵܝܗܝ، ܟܹܐ ܡܲܫܘܹܝܬ ܝܵܝܘܼ̈ܗ̇. ܒܩܲܫܩܲܫܝܵܬܹ̈ܐ ܟܹܐ ܡܲܪܟܸܟܸܬ ܠܵܗ̇، ܡܲܓ̰ܝܲܢܬܘܼܗ̇ ܟܹܐ ܒܲܪܟܸܬ.
11 ܒܘܼܢܦܸܪܘܼܟ݂ ܫܹܢ݇ܬܵܐ ܒܛܵܒ݂ܬܘܼܟ݂، ܘܐܘܼܪ̈ܚܵܬܘܼܟ݂ ܟܹܐ ܡܲܫܦܸܟ݂ܝܼ ܦܸܪܝܘܼܬܵܐ.
12 ܟܹܐ ܡܲܫܦܸܟ݂ܝܼ ܡܲܪ̈ܥܝܹܐ ܕܒܲܪܝܼܵܐ، ܘܠܒ݂ܝܼܫܹܐ ܝܢܵܐ ܪ̈ܘܼܡܝܵܬܹܐ ܦܨܵܚܵܐ.
