Text copied!
Bibles in Assyrian Neo-Aramaic

ܡܙܡܘܪ̈ܐ 62:1-9 in Assyrian Neo-Aramaic

Help us?

ܡܙܡܘܪ̈ܐ 62:1-9 in ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

1 ܐܲܚܟ̰ܝܼ ܠܐܲܠܵܗܵܐ ܒܫܸܬܩܵܐ ܒܸܣܦܵܪܵܐ ܝܠܵܗ̇ ܓܵܢܝܼ، ܡܸܢܹܗ ܝܠܹܗ ܦܘܼܪܩܵܢܝܼ.
2 ܐܲܚܟ̰ܝܼ ܗ̇ܘ ܝܼܠܹܗ ܐܝܼܨܵܪܝܼ ܘܦܘܼܪܩܵܢܝܼ، ܩܲܠܥܝܼ ܝܠܹܗ، ܗܲܪ ܠܹܐ ܫܵܥܫܹܢ.
3 ܗܲܠܔ ܐܝܼܡܲܢ ܒܸܬ ܬܵܪܥܝܼܬܘܿܢ ܥܲܠܔ ܐܢܵܫܵܐ؟ ܟܠܵܘܟ݂ܘܿܢ ܒܵܥܹܝܬܘܿܢ ܠܸܩܛܵܠܵܐ ܐܸܠܹܗ، ܐܲܝܟ݂ ܓܘܼܕܵܐ ܓܸܢܝܵܐ، ܣܝܵܓ݂ܵܐ ܚܘܼܪܙܸܦܵܐ.
4 ܐܲܚܟ̰ܝܼ ܥܒ݂ܝܼܕ ܠܗܘܿܢ ܡܸܠܟܵܐ ܠܸܛܪܵܕܹܗ ܡ̣ܢ ܪܵܡܘܼܬܹܗ، ܟܹܐ ܒܵܣܡܵܐ ܠܗܘܿܢ ܒܕܘܼܓܠܵܐ، ܒܦܘܼܡܵܝܗ‌ܝ ܟܹܐ ܒܲܪܟ݂ܝܼ، ܐܝܼܢܵܐ ܒܓܵܘܵܝܗ‌ܝ ܟܹܐ ܠܵܝܛܝܼ. ܣܹܠܵܗ
5 ܐܲܚܟ̰ܝܼ ܠܐܲܠܵܗܵܐ ܒܫܸܬܩܵܐ ܣܦܘܿܪܝ، ܝܵܐ ܓܵܢܝܼ، ܣܵܒܵܒ ܡܸܢܹܗ ܝܠܹܗ ܣܲܒ݂ܪܝܼ.
6 ܐܲܚܟ̰ܝܼ ܗ̇ܘ ܝܼܠܹܗ ܐܝܼܨܵܪܝܼ ܘܦܘܼܪܩܵܢܝܼ، ܩܲܠܥܝܼ ܝܠܹܗ، ܠܹܐ ܫܵܥܫܹܢ.
7 ܥܲܠܔ ܐܲܠܵܗܵܐ ܝܠܹܗ ܦܘܼܪܩܵܢܝܼ ܘܐܝܼܩܵܪܝܼ، ܗ̇ܘ ܝܼܠܹܗ ܐܝܼܨܵܪܵܐ ܕܥܘܼܫܢܝܼ، ܒܹܝܬ ܓܵܘܣܝܼ ܒܐܲܠܵܗܵܐ.
8 ܣܒܘܿܪܘܼܢ ܒܝܼܹܗ ܒܟܠܔ ܙܲܒ݂ܢܵܐ، ܝܵܐ ܥܲܡܵܐ، ܫܲܦܟ݂ܘܼܢ ܩܲܕܡܘܼܗ‌ܝ ܠܸܒܵܘܟ݂ܘܿܢ، ܐܲܠܵܗܵܐ ܒܹܝܬ ܓܵܘܣܵܐ ܝܠܹܗ ܩܵܬܲܢ. ܣܹܠܵܗ
9 ܫܲܪܝܼܪܵܐܝܼܬ، ܣܪܝܼܩܘܼܬܵ‌ܐ ܝܢܵܐ ܒܢܲܝ̈ ܐܵܕܵܡ، ܕܘܼܓܠܵܐ ܝܢܵܐ ܒܢܲܝ̈ܢܵܫܵܐ، ܥܲܠܔ ܡܲܣܲܐܬܵ‌ܐ ܟܹܐ ܐܵܣܩܝܼ، ܐܵܢܝܼ ܥܲܠܔ ܚܕܵܕܹ̈ܐ ܒܘܼܫ ܩܲܠܘܼ̈ܠܹܐ ܝܢܵܐ ܡ̣ܢ ܢܫܲܡܬܵ‌ܐ.
ܡܙܡܘܪ̈ܐ 62 in ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ