2 ܠܵܐ، ܐܸܠܵܐ ܒܠܸܒܵܘܟ݂ܘܿܢ ܒܸܦܠܵܚܵܐ ܝܬܘܿܢ ܥܵܘ̈ܠܹܐ، ܒܐܲܪܥܵܐ ܦܲܠܘܼܥܹܐ ܝܬܘܿܢ ܚܸܡܬܵܐ ܕܐܝܼܕܵܬܵܘ̈ܟ݂ܘܿܢ.
3 ܪ̈ܲܫܝܼܥܹܐ ܗܘܹܐ ܠܗܘܿܢ ܢܘܼܟ݂ܪ̈ܵܝܹܐ ܡ̣ܢ ܡܲܪܒܥܵܐ، ܚܠܝܼܛ ܠܗܘܿܢ ܡ̣ܢ ܒܲܛܢܵܐ ܗܲܡܙܸܡܵܢܹ̈ܐ ܕܕܘܼܓܠܵܐ.
4 ܚܸܡܬܵܝܗܝ ܐܲܝܟ݂ ܕܡܘܼܬܵܐ ܕܚܸܡܬܵܐ ܕܚܘܼܘܹܐ ܝܠܵܗ̇، ܐܲܝܟ݂ ܦܲܬܢܵܐ ܚܲܪܫܵܐ ܕܟܹܐ ܕܵܒܹܪ ܢܵܬܹܗ،
5 ܕܠܹܐ ܫܵܡܹܥ ܩܵܠܵܐ ܕܦܲܛܦܸܛܵܢܹ̈ܐ، ܝܲܢ ܕܡܲܪܩܸܕܵܢܵܐ ܡܗܝܼܪܵܐ ܕܚܘܼܵܘܵܬܹ̈ܐ.
6 ܝܵܐ ܐܲܠܵܗܵܐ، ܫܡܘܿܛ ܟܹܟܵܝ̈ܗܝ ܓܵܘ ܦܘܼܡܵܝܗܝ، ܢܝܼܒܹ̈ܐ ܕܓܘܼܪ̈ܝܹܐ ܕܐܲܪ̈ܝܹܐ ܥܩܘܿܪ، ܝܵܐ ܡܵܪܝܵܐ.
7 ܫܒ݂ܘܿܩ ܛܵܠܩܝܼ ܐܲܝܟ݂ ܡ̈ܝܼܵܐ ܕܟܹܐ ܓ̰ܵܪܝܼ، ܩܵܛܥܝܼ ܓܹܐܪ̈ܘܼܗܝ ܐܝܼܡܲܢ ܕܡܵܬܹܚ ܠܗܘܿܢ.
8 ܗܵܘܝܼ ܐܲܝܟ݂ ܚܲܠܵܙܘܿܢܵܐ ܒܸܦܫܵܪܵܐ ܟܲܕ ܒܸܪܚܵܫܵܐ، ܐܲܝܟ݂ ܡܘܼܪ̈ܚܸܫܹܐ ܕܒܲܟ݂ܬܵܬܹ̈ܐ ܕܠܵܐ ܚܙܹܐ ܠܗܘܿܢ ܫܸܡܫܵܐ.
9 ܡ̣ܢ ܩܲܕܡ ܕܡܵܪܸ̈ܓܠܵܘܟ݂ܘܿܢ ܫܵܚܢܝܼ ܡ̣ܢ ܢܘܼܪܵܐ ܕܟܸܬܘܹ̈ܐ، ܐܲܝܟ݂ ܬܲܠܝܼܠܵܐ ܐܘܼܦ ܒܪܝܼܙܵܐ، ܒܸܬ ܦܵܝܫܝܼ ܓܪܝܼܦܹܐ.
10 ܒܸܬ ܚܵܕܝܼ ܙܲܕܝܼܩܹ̈ܐ ܟܲܕ ܚܙܹܐ ܠܗܘܿܢ ܬܘܼܥܠܵܐ، ܐܲܩܠܵܬܵܝ̈ܗܝ ܒܸܬ ܚܲܠܸܠܔ ܠܝܼ ܒܕܸܡܵܐ ܕܪ̈ܲܫܝܼܥܹܐ،
11 ܘܒܸܬ ܐܵܡܹܪ ܒܲܪܢܵܫܵܐ: ”ܒܫܪܵܪܵܐ، ܐܝܼܬ ܦܘܼܪܥܵܢܵܐ ܠܙܲܕܝܼܩܵܐ، ܒܫܪܵܪܵܐ، ܐܝܼܬ ܐܲܠܵܗܵܐ ܕܟܹܐ ܕܵܐܹܢ ܒܐܲܪܥܵܐ.“
