14 ܕܥܲܡ ܚܕܵܕܹ̈ܐ ܥܒ݂ܝܼܕ ܠܲܢ ܫܵܘܬܵܦܘܼܬܵܐ ܚܠܝܼܬܵܐ، ܓܵܘ ܒܲܝܬܵܐ ܕܐܲܠܵܗܵܐ ܟܹܐ ܚܵܕܪܲܚ ܗܘܵܘ ܥܲܡ ܟܸܢܫܵܐ.
15 ܐܵܬܹܐ ܡܵܘܬܵܐ ܥܲܠܵܝܗܝ ܡܸܢܫܸܠܬܵܢܹܐ، ܨܵܠܝܼ ܠܫܝܘܿܠܔ ܟܲܕ ܚܵܝܹ̈ܐ، ܣܵܒܵܒ ܒܝܼܫܵܬܹ̈ܐ ܐܝܼܬ ܓܵܘ ܒܹܝܬ ܡܲܥܡܪ̈ܵܝܗܝ، ܒܓܵܘܵܝܗܝ.
16 ܐܝܼܢܵܐ ܐܵܢܵܐ، ܠܐܲܠܵܗܵܐ ܒܸܬ ܩܵܪܹܝܢ، ܘܡܵܪܝܵܐ ܒܸܬ ܦܲܪܸܩ ܠܝܼ.
17 ܪܲܡܫܵܐ، ܘܨܲܦܪܵܐ، ܘܛܲܗܪܵܐ، ܒܸܬ ܩܵܒ݂ܠܹܢ ܘܬܲܢܸܚܸܢ، ܘܒܸܬ ܫܵܡܹܥ ܠܹܗ ܩܵܠܝܼ.
18 ܒܸܬ ܦܲܪܸܩ ܒܫܠܵܡܵܐ ܓܵܢܝܼ ܡ̣ܢ ܦܠܵܫܵܐ ܕܥܲܠܝܼ، ܣܵܒܵܒ ܪܵܒܵܐ ܝܢܵܐ ܕܲܠܩܘܼܒ݂ܠܝܼ.
19 ܒܸܬ ܫܵܡܹܥ ܐܲܠܵܗܵܐ، ܝܵܬܒ݂ܵܢܵܐ ܕܡ̣ܢ ܙܲܒ݂ܢܹ̈ܐ ܩܲܕܝܼܡܵܝܹ̈ܐ، ܘܒܸܬ ܡܲܠܝܸܨ ܠܗܘܿܢ. ܣܹܠܵܗ ܣܵܒܵܒ ܠܹܐ ܫܲܚܠܸܦܝܼ، ܘܠܹܐ ܙܵܕܥܝܼ ܡ̣ܢ ܐܲܠܵܗܵܐ.
20 ܦܘܼܫܸܛ ܠܹܗ ܐܝܼܕܵܬܘܼ̈ܗܝ ܥܲܠܔ ܕܐܵܢܝܼ ܕܝܼܢܵܐ ܒܫܠܵܡܵܐ ܥܲܡܹܗ، ܫܡܝܼܛ ܠܹܗ ܩܵܘܠܹܗ،
21 ܟ̰ܘܼܥܝܵܐ ܐܲܝܟ݂ ܟܲܪܥܵܐ ܦܘܼܡܹܗ، ܐܝܼܢܵܐ ܐܝܼܬ ܦܠܵܫܵܐ ܒܠܸܒܹܗ؛ ܪܲܟܝܼܟܹܐ ܚܲܒܪ̈ܘܼܗܝ ܡ̣ܢ ܡܸܫܚܵܐ، ܐܝܼܢܵܐ ܣܲܝܦܹ̈ܐ ܓܪ̈ܝܼܫܹܐ ܝܢܵܐ.
22 ܕܪܝܼ ܠܵܗ̇ ܥܲܠܔ ܡܵܪܝܵܐ ܟܵܪܬܘܼܟ݂، ܘܗ̇ܘ ܒܸܬ ܬܲܪܣܹܐ ܠܘܼܟ݂، ܠܹܐ ܫܵܒܹܩ ܠܥܵܠܲܡ ܙܲܕܝܼܩܵܐ ܫܵܥܹܫ.
