Text copied!
Bibles in Assyrian Neo-Aramaic

ܡܙܡܘܪ̈ܐ 52:2-9 in Assyrian Neo-Aramaic

Help us?

ܡܙܡܘܪ̈ܐ 52:2-9 in ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

2 ܡܲܚܪܲܒ݂ܬܵ‌ܐ ܬܲܚܡܘܼܢܹܐ ܝܠܹܗ ܠܸܫܵܢܘܼܟ݂، ܐܲܝܟ݂ ܡܲܓܪܲܥܬܵ‌ܐ ܚܲܪܝܼܦܬܵ‌ܐ، ܝܵܐ ܥܵܒ݂ܕܵܢܵܐ ܕܦܸܠܡܵܐ.
3 ܡܘܼܚܸܒ ܠܘܼܟ݂ ܒܝܼܫܬܵ‌ܐ ܒܘܼܫ ܡ̣ܢ ܛܵܒ݂ܬܵ‌ܐ، ܕܲܓܵܠܘܼܬܵ‌ܐ ܡ̣ܢ ܠܗܲܡܙܘܼܡܹܐ ܙܲܕܝܼܩܘܼܬܵ‌ܐ. ܣܹܠܵܗ
4 ܡܘܼܚܸܒ ܠܘܼܟ݂ ܟܠܵܝܗ‌ܝ ܗܹܡܸܙܡܵܢܹ̈ܐ ܒܵܠܥܵܢܹ̈ܐ، ܝܵܐ ܠܸܫܵܢܵܐ ܕܦܸܠܡܵܐ.
5 ܗܵܕܟ݂ܵܐ ܐܲܠܵܗܵܐ ܒܸܬ ܬܵܠܹܚ ܠܘܼܟ݂ ܠܥܵܠܲܡ، ܒܸܬ ܚܵܛܹܦ ܠܘܼܟ݂ ܘܣܵܬܹܪܘܼܟ݂ ܡ̣ܢ ܡܲܫܟܢܘܼܟ݂، ܘܒܸܬ ܥܵܩܹܪܘܼܟ݂ ܡ̣ܢ ܐܲܪܥܵܐ ܕܚܵܝܹ̈ܐ. ܣܹܠܵܗ
6 ܘܒܸܬ ܚܵܙܝܼ ܙܲܕܝܼܩܹ̈ܐ ܘܒܸܬ ܙܵܕܥܝܼ، ܘܥܲܠܘܼܗ‌ܝ ܒܸܬ ܓܵܚܟܝܼ، ܒܹܐܡܵܪܵܐ:
7 ”ܗܵܐ، ܓܲܒ݂ܪܵܐ ܕܠܹܐ ܥܵܒܹܕ ܠܹܗ ܐܲܠܵܗܵܐ ܩܲܠܥܹܗ، ܐܸܠܵܐ ܡܘܼܬܸܒ݂ ܠܹܗ ܣܲܒ݂ܪܹܗ ܒܦܸܪܝܘܼܬܵ‌ܐ ܕܥܘܼܬܪܹܗ، ܘܚܘܼܠܸܢܹܗ ܒܫܲܗܘܲܬܬܹܗ ܡܲܚܪܸܒ݂ܵܢܬܵ‌ܐ.“
8 ܐܝܼܢܵܐ ܐܵܢܵܐ، ܐܲܝܟ݂ ܙܲܝܬܵ‌ܐ ܩܝܼܢܵܐ ܝܘܸܢ ܓܵܘ ܒܲܝܬܵ‌ܐ ܕܐܲܠܵܗܵܐ، ܡܘܼܬܸܒ݂ ܠܝܼ ܣܲܒ݂ܪܝܼ ܒܛܲܝܒܘܼܬܵ‌ܐ ܕܐܲܠܵܗܵܐ ܠܥܵܠܲܡ ܥܵܠܡܝܼܢ.
9 ܒܸܬ ܫܲܟܪܸܢܘܼܟ݂ ܠܥܵܠܲܡ ܣܵܒܵܒ ܥܒ݂ܝܼܕ ܠܘܼܟ݂ ܐܵܗܵܐ، ܘܒܸܬ ܡܲܬܒܸܢ ܣܲܒ݂ܪܝܼ ܒܫܸܡܘܼܟ݂ ܣܵܒܵܒ ܛܵܒ݂ܵܐ ܝܠܹܗ ܩܲܕܡ ܗܲܡܸܢܵܢܘܼ̈ܟ݂.
ܡܙܡܘܪ̈ܐ 52 in ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ