1 ܫܡܹܥܡܘܼܢ ܐܵܗܵܐ ܟܠܵܝܗܝ ܥܲܡܡܹ̈ܐ، ܗܲܒ݂ܠܘܼܢ ܢܵܬܵܐ ܟܠܵܝܗܝ ܥܵܡܪ̈ܵܢܹܐ ܕܒܪܝܼܬܵܐ،
2 ܐܘܼܦ ܒܢܲܝ̈ ܐܵܕܵܡ ܐܘܼܦ ܒܢܲܝ̈ܢܵܫܵܐ، ܥܲܡ ܚܕܵܕܹ̈ܐ ܥܲܬܝܼܪܵܐ ܘܣܢܝܼܩܵܐ.
3 ܦܘܼܡܝܼ ܒܸܬ ܗܲܡܙܸܡ ܚܸܟ݂ܡܬܵܐ، ܘܗܲܓܲܝܬܵܐ ܕܠܸܒܝܼ ܦܲܪܡܲܝܬܵܐ.
4 ܒܸܬ ܨܲܠܹܝܢ ܠܡܲܬܠܵܐ ܢܵܬܝܼ، ܘܦܵܬܚܹܢ ܒܟܸܢܵܪܵܐ ܩܸܨܸܡܬܝܼ.
5 ܩܵܡܘܿܕܝܼ ܙܵܕܥܹܢ ܒܝܵܘܡܵܢܹ̈ܐ ܕܒܝܼܫܬܵܐ، ܟܲܕ ܥܵܘܠܵܐ ܕܕܵܒ݂ܩܵܢܹ̈ܐ ܕܥܸܩܒܝܼ̈ ܚܲܪܕܝܼ ܠܝܼ؟
6 ܐܵܢܝܼ ܟܹܐ ܣܵܒܪܝܼ ܒܕܵܘܸܠܬܵܝܗܝ، ܘܒܦܸܪܝܘܼܬܵܐ ܕܥܘܼܬܪܵܝܗܝ ܟܹܐ ܫܲܒ݂ܗܸܪܝܼ.
7 ܠܐܲܚܘܿܢܵܐ ܦܲܪܘܼܩܹܐ ܠܹܐ ܡܵܨܹܐ ܦܲܪܸܩ ܐܢܵܫܵܐ، ܠܹܐ ܡܵܨܹܐ ܝܵܗܒܹܠܔ ܠܐܲܠܵܗܵܐ ܛܝܼܡܵܐ ܕܦܘܼܪܩܵܢܹܗ،
8 (ܣܵܒܵܒ ܛܝܼܡܵܢܵܐ ܝܠܹܗ ܦܘܼܪܩܵܢܵܐ ܕܓܵܢܵܐ، ܒܵܣ ܫܒ݂ܘܿܩ ܫܵܠܹܐ ܠܥܵܠܲܡ)
9 ܘܗܸܫ ܚܵܝܹܐ ܠܥܵܠܲܡ، ܘܠܵܐ ܚܵܙܹܐ ܚܪܵܒ݂ܵܐ.
10 ܣܵܒܵܒ ܟܹܐ ܚܵܙܹܐ ܠܚܲܟܝܼܡܹ̈ܐ ܕܟܹܐ ܡܵܝܬܝܼ، ܥܲܡ ܚܕܵܕܹ̈ܐ ܣܲܟ݂ܠܵܐ ܘܐܲܗܡܲܩ ܟܹܐ ܛܵܠܩܝܼ، ܘܟܹܐ ܫܵܒ݂ܩܝܼ ܠܐܚܹܪ̈ܢܹܐ ܕܵܘܸܠܬܵܝܗܝ.
