4 ܣܵܒܵܒ ܗܵܐ، ܡܲܠܟܹ̈ܐ ܚܘܼܝܸܕ ܠܗܘܿܢ، ܥܒ݂ܝܼܪܗܘܿܢ ܥܲܡ ܚܕܵܕܹ̈ܐ.
5 ܐܵܢܝܼ ܟܲܕ ܚܙܹܐ ܠܗܘܿܢ، ܦܝܼܫ ܠܗܘܿܢ ܬܡܝܼܗܹܐ، ܫܥܝܼܫ ܠܗܘܿܢ ܘܡܘܼܠܝܸܙ ܠܗܘܿܢ ܠܸܥܪܵܩܵܐ.
6 ܪܲܬܪܲܬܬܵܐ ܩܵܡ ܕܵܒ݂ܩܵܐ ܠܗܘܿܢ ܬܵܡܵܐ، ܘܚܸܒ݂ܠܹ̈ܐ ܐܲܝܟ݂ ܝܵܠܸܕܬܵܐ.
7 ܒܦܵܘܚܵܐ ܕܡܲܕܢܚܵܐ، ܟܹܐ ܬܵܒ݂ܪܹܬ ܓܵܡܝܼܹ̈ܐ ܕܬܲܪܫܝܼܫ.
8 ܕܵܐܟ݂ܝܼ ܕܫܡܝܼܥ ܠܲܢ، ܗܵܕܟ݂ܵܐ ܚܙܹܐ ܠܲܢ، ܒܡܕܝܼܢ݇ܬܵܐ ܕܡܵܪܝܵܐ ܚܲܝܠܬܵܢܵܐ، ܒܡܕܝܼܢ݇ܬܵܐ ܕܐܲܠܵܗܲܢ، ܐܲܠܵܗܵܐ ܒܸܬ ܡܲܩܘܹܐ ܠܵܗ̇ ܗܲܠܔ ܥܵܠܲܡ. ܣܹܠܵܗ
9 ܬܘܼܚܡܸܢܲܢ، ܝܵܐ ܐܲܠܵܗܵܐ، ܒܘܼܬ ܛܲܝܒܘܼܬܘܼܟ݂، ܒܓܵܘܵܐ ܕܗܲܝܟܠܘܼܟ݂.
10 ܐܲܝܟ݂ ܫܸܡܘܼܟ݂، ܝܵܐ ܐܲܠܵܗܵܐ، ܗܵܕܟ݂ܵܐ ܝܠܵܗ̇ ܬܸܫܒܘܿܚܬܘܼܟ݂ ܗܲܠܔ ܡܲܪ̈ܙܵܢܹܐ ܕܐܲܪܥܵܐ، ܡܠܝܼܬܵܐ ܝܠܵܗ̇ ܝܲܡܝܼܢܘܼܟ݂ ܙܲܕܝܼܩܘܼܬܵܐ.
11 ܚܵܕܹܐ ܛܘܼܪܵܐ ܕܨܸܗܝܘܿܢ، ܦܵܨܚܝܼ ܒܢܵܬܹ̈ܐ ܕܝܼܗܘܼܕܵܐ، ܒܘܼܬ ܕܝܼܘܵܢܘܼ̈ܟ݂.
