6 ܬܪܘܿܢܘܿܣܘܼܟ݂، ܝܵܐ ܐܲܠܵܗܵܐ، ܠܥܵܠܲܡ ܥܵܠܡܝܼܢ، ܚܘܼܛܪܵܐ ܕܬܪܘܼܨܘܼܬܵܐ ܚܘܼܛܪܵܐ ܕܡܲܠܟܘܼܬܘܼܟ݂.
7 ܡܘܼܚܸܒ ܠܘܼܟ݂ ܙܲܕܝܼܩܘܼܬܵܐ ܘܣܢܹܐ ܠܘܼܟ݂ ܒܝܼܫܘܼܬܵܐ، ܒܘܼܬ ܐܵܗܵܐ، ܝܵܐ ܐܲܠܵܗܵܐ، ܩܵܡ ܡܵܫܹܚ ܠܘܼܟ݂ ܐܲܠܵܗܘܼܟ݂، ܒܡܸܫܚܵܐ ܕܦܨܝܼܚܘܼܬܵܐ ܒܘܼܫ ܙܵܘܕܵܐ ܡ̣ܢ ܚܲܒ݂ܪ̈ܵܘܵܬܘܼܟ݂.
8 ܒܡܘܼܪܵܐ، ܥܸܠܘܲܝ، ܘܩܲܣܝܵܐ ܥܘܼܛܪܸܢܹܐ ܝܢܵܐ ܟܠܵܝܗܝ ܠܒ݂ܘܼܫܘܼ̈ܟ݂، ܡ̣ܢ ܩܲܨܪܵܐ ܕܓܪܲܡܦܝܼܠܵܐ ܣܝܼܡܹ̈ܐ ܕܩܝܼܬܵܪܹ̈ܐ ܩܵܡ ܡܲܚܕܝܼ ܠܘܼܟ݂.
9 ܒܢܵܬܹ̈ܐ ܕܡܲܠܟܹ̈ܐ ܒܹܝܠܔ ܡܝܲܩܪ̈ܵܬܘܼܟ݂ ܝܼܢܵܐ، ܡܲܠܟܬܵܐ ܟܠܝܼܬܵܐ ܝܠܵܗ̇ ܒܝܲܡܝܼܢܘܼܟ݂ ܒܕܲܗܒ݂ܵܐ ܕܐܵܘܦܹܝܪ.
10 ܫܡܹܥ، ܝܵܐ ܒܪܵܬܵܐ، ܘܚܙܝܼ، ܘܡܲܟܸܦ ܢܵܬܵܟ݂ܝ، ܘܢܫܝܼ ܥܲܡܵܟ݂ܝ ܘܒܲܝܬܵܐ ܕܒܵܒܵܟ݂ܝ،
11 ܕܫܲܗܘܸܬ ܡܲܠܟܵܐ ܠܫܘܼܦܪܵܟ݂ܝ، ܣܵܒܵܒ ܗ̇ܘ ܝܼܠܹܗ ܡܵܪܵܟ݂ܝ، ܡܲܟܸܦܝ ܓܵܢܵܟ݂ܝ ܐܸܠܹܗ.
12 ܒܪܵܬܵܐ ܕܨܘܿܪ ܒܸܬ ܐܵܬܝܵܐ ܒܡܵܘܗܲܒ݂ܬܵܐ، ܘܦܵܬܵܟ݂ܝ ܒܸܬ ܛܵܥܝܼ ܥܲܬܝܼܪܹ̈ܐ ܕܥܲܡܵܐ.
13 ܒܟܠܔ ܚܸܩܪܵܐ ܝܠܵܗ̇ ܒܪܵܬܵܐ ܕܡܲܠܟܵܐ ܓܵܘ ܩܲܨܪܵܐ، ܠܒ݂ܝܼܫܬܘܼܗ̇ ܡ̣ܢ ܙܩܘܼܪܹ̈ܐ ܕܕܲܗܒ݂ܵܐ.
14 ܒܠܒ݂ܘܼܫܹ̈ܐ ܠܩܝܼܛܹ̈ܐ ܒܸܬ ܦܵܝܫܵܐ ܠܘܼܒܸܠܬܵܐ ܠܡܲܠܟܵܐ، ܩܲܪ̈ܝܼܒ݂ܝܵܬܹܐ ܒܬܘܼܠܵܬܹ̈ܐ ܕܒܵܬܪܘܼܗ̇ ܦܝܵܫܵܐ ܡܘܼܬܝܹܐ ܩܲܕܡܘܼܟ݂.
15 ܒܸܬ ܦܵܝܫܝܼ ܠܘܼܒܠܹܐ ܒܚܲܕܘܼܬܵܐ ܘܦܨܵܚܬܵܐ، ܒܸܬ ܥܵܒ݂ܪܝܼ ܓܵܘ ܩܲܨܪܵܐ ܕܡܲܠܟܵܐ.
16 ܒܫܵܘܦܵܐ ܕܒܵܒܵܘܵܬܘܼ̈ܟ݂ ܒܸܬ ܗܵܘܝܼ ܒܢܘܿܢܘܼ̈ܟ݂، ܡܲܬܒܸܬ ܠܗܘܿܢ ܪܹ̈ܝܫܵܢܹܐ ܒܟܠܵܗ̇ ܐܲܪܥܵܐ.
