5 ܕܸܫ̃ܡܸܢܝܼ̈ ܟܹܐ ܐܵܡܪܝܼ ܒܝܼܫܬܵܐ ܥܲܠܝܼ: ”ܐܝܼܡܲܢ ܒܸܬ ܡܵܐܹܬ ܘܛܵܠܹܩ ܫܸܡܹܗ؟“
6 ܘܐܸܢ ܐܵܬܹܐ ܠܸܚܙܵܝܝܼ ܣܪܝܼܩܘܼܬܵܐ ܟܹܐ ܗܲܡܙܸܡ، ܟܹܐ ܓ̰ܲܡܸܥ ܥܵܘܠܵܐ ܠܸܒܹܗ، ܟܹܐ ܦܵܠܹܛ ܠܫܘܼܩܵܐ ܘܟܹܐ ܗܲܡܙܸܡ.
7 ܟܠܵܝܗܝ ܣܵܢܝܵܢܝܼ̈ ܡܸܚܕܵܕܹ̈ܐ ܟܹܐ ܦܲܛܦܸܛܝܼ ܠܕܲܠܩܘܼܒ݂ܠܝܼ، ܟܹܐ ܚܵܫܒ݂ܝܼ ܒܝܼܫܬܵܐ ܥܲܠܝܼ، ܒܹܐܡܵܪܵܐ:
8 ”ܡܸܢܕܝܼ ܣܸܪܝܵܐ ܫܦܝܼܟ݂ܵܐ ܝܠܹܗ ܥܲܠܘܼܗܝ، ܘܐܝܼܡܲܢ ܕܕܵܡܹܟ݂ ܠܹܐ ܩܵܐܹܡ ܡܸܢܕܪܸܫ.“
9 ܐܘܼܦ ܪܵܚܡܝܼ ܕܩܘܼܪܒܵܐ، ܗ̇ܘ ܕܗܘܼܡܸܢܝܼ ܒܝܼܹܗ، ܐܵܟ݂ܠܵܢܵܐ ܕܠܲܚܡܝܼ، ܡܘܼܪܸܡ ܠܹܗ ܥܲܠܝܼ ܥܸܩܒܹܗ.
10 ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ، ܪܲܚܸܡ ܥܲܠܝܼ، ܘܡܲܩܸܡ ܠܝܼ ܕܦܵܪܥܹܢܗܘܿܢ.
