12 ܣܵܒܵܒ ܩܵܡ ܟܵܪܟ݂ܝܼ ܠܝܼ ܒܝܼܫܵܬܹ̈ܐ ܒܠܵܐ ܡܸܢܝܵܢܵܐ، ܡܸܛܝܸܢܗܘܿܢ ܥܵܘܠܝܼ̈ ܘܠܹܐ ܝܘܸܢ ܒܸܡܨܵܝܵܐ ܕܚܵܙܹܝܢ، ܙܝܼܕ ܠܗܘܿܢ ܡ̣ܢ ܣܲܥܪܵܐ ܕܪܹܝܫܝܼ ܘܠܸܒܝܼ ܩܵܡ ܫܵܒܹܩ ܠܝܼ.
13 ܒܵܣܡܵܐ ܠܘܼܟ݂، ܝܵܐ ܡܵܪܝܵܐ، ܠܦܲܨܘܼܝܝܼ، ܡܲܠܝܸܙ ܠܗܲܝܲܪܬܝܼ، ܝܵܐ ܡܵܪܝܵܐ.
14 ܢܵܟ݂ܦܝܼ ܘܦܵܝܫܝܼ ܡܘܼܢܟܸܦܹܐ ܟܠܵܝܗܝ ܛܵܥܝܵܢܹ̈ܐ ܠܓܵܢܝܼ ܠܛܲܠܘܼܩܘܼܗ̇، ܕܵܝܪܝܼ ܠܒܵܬܪܵܐ ܘܗܵܘܝܼ ܡܘܼܣܠܝܼܹܐ ܐܵܢܝܼ ܕܒܵܣܡܵܐ ܠܗܘܿܢ ܒܒܝܼܫܬܝܼ.
15 ܦܵܝܫܝܼ ܬܡܝܼܗܹܐ ܡ̣ܢ ܢܟ݂ܝܼܦܬܵܝܗܝ، ܐܵܢܝܼ ܕܟܹܐ ܐܵܡܪܝܼ ܐܸܠܝܼ: ”ܐܘܿܚܲܝ! ܐܘܿܚܲܝ!“
16 ܚܵܕܝܼ ܘܦܵܨܚܝܼ ܒܝܼܘܼܟ݂ ܟܠܵܝܗܝ ܛܵܥܝܵܢܹ̈ܐ ܐܸܠܘܼܟ݂، ܐܵܡܪܝܼ ܐܲܡܝܼܢܵܐܝܼܬ ܡܲܚܸܒܵܢܹ̈ܐ ܕܦܘܼܪܩܵܢܘܼܟ݂: ”ܗܵܘܹܐ ܓܘܼܪܵܐ ܡܵܪܝܵܐ.“
