1 ܠܵܐ ܥܵܒ݂ܕܹܬ ܚܣܵܡܵܐ ܠܒܝܼܫܹ̈ܐ، ܠܵܐ ܒܲܚܸܠܸܬ ܒܥܵܒ݂ܕܵܢܹ̈ܐ ܕܥܵܘܠܵܐ.
2 ܣܵܒܵܒ ܐܲܝܟ݂ ܓܸܠܵܐ ܓ̰ܲܠܕܹܐ ܟܹܐ ܒܵܪܙܝܼ، ܘܐܲܝܟ݂ ܝܲܪܩܵܐ ܩܝܼܢܵܐ ܟܹܐ ܟ̰ܲܡܟ̰ܝܼ.
3 ܣܒܘܿܪ ܒܡܵܪܝܵܐ ܘܥܒ݂ܘܿܕ ܛܵܒ݂ܬܵܐ، ܫܪܝܼ ܒܐܲܪܥܵܐ ܘܗܘܝܼ ܒܫܲܝܢܵܐ.
4 ܘܥܒ݂ܘܿܕ ܒܘܼܣܵܡܵܐ ܒܡܵܪܝܵܐ، ܘܒܸܬ ܝܵܗܒܹܠܔ ܠܘܼܟ݂ ܛܠܵܒܬܵܐ ܕܠܸܒܘܼܟ݂.
5 ܕܪܝܼ ܥܲܠܔ ܡܵܪܝܵܐ ܐܘܼܪܚܘܼܟ݂، ܘܣܒܘܿܪ ܒܝܼܹܗ، ܘܗ̇ܘ ܒܸܬ ܡܲܟܡܸܠܔ ܠܵܗ̇.
6 ܘܒܸܬ ܦܲܠܸܛ ܐܲܝܟ݂ ܒܲܗܪܵܐ ܙܲܕܝܼܩܘܼܬܘܼܟ݂، ܘܕܝܼܘܵܢܘܼ̈ܟ݂ ܐܲܝܟ݂ ܛܲܗܪܵܐ.
7 ܫܠܝܼ ܩܲܕܡ ܡܵܪܝܵܐ، ܘܣܦܘܿܪ ܐܸܠܹܗ، ܠܵܐ ܥܵܒ݂ܕܹܬ ܚܣܵܡܵܐ ܒܡܲܢܬܝܼܵܢܵܐ ܒܐܘܼܪܚܹܗ، ܒܐܢܵܫܵܐ ܥܵܒ݂ܕܵܢܵܐ ܕܦܸܠܡܹ̈ܐ.
8 ܪܦܝܼ ܡ̣ܢ ܟܲܪܒܵܐ ܘܫܒ݂ܘܿܩ ܚܸܡܬܵܐ، ܠܵܐ ܥܵܒ݂ܕܹܬ ܚܣܵܡܵܐ ܠܸܥܒ݂ܵܕܵܐ ܒܝܼܫܬܵܐ.
9 ܣܵܒܵܒ ܒܝܼܫܹ̈ܐ ܒܸܬ ܦܵܝܫܝܼ ܩܛܝܼܥܹܐ، ܐܝܼܢܵܐ ܣܵܦܪ̈ܵܢܹܐ ܠܡܵܪܝܵܐ، ܐܵܢܝܼ ܒܸܬ ܝܵܪܬܝܼ ܐܲܪܥܵܐ.
10 ܘܚܲܕܟ̰ܵܐ ܐܚܹܪܢܵܐ، ܘܠܲܝܬ ܪܲܫܝܼܥܵܐ، ܘܒܸܬ ܚܵܝܪܹܬ ܥܲܠܔ ܕܘܼܟܬܹܗ، ܐܝܼܢܵܐ ܠܲܝܬ ܗ̇ܘ.
11 ܐܝܼܢܵܐ ܡܸܣܟܹܢܹ̈ܐ ܒܸܬ ܝܵܪܬܝܼ ܐܲܪܥܵܐ، ܘܒܸܬ ܥܵܒ݂ܕܝܼ ܒܘܼܣܵܡܵܐ ܒܦܸܪܝܘܼܬܵܐ ܕܫܠܵܡܵܐ.
12 ܪܲܫܝܼܥܵܐ ܟܹܐ ܥܵܒܹܕ ܦܸܠܡܵܐ ܥܲܠܔ ܙܲܕܝܼܩܵܐ، ܘܟܹܐ ܚܲܪܚܸܟ̃ ܥܲܠܘܼܗܝ ܟܹܟܘܼ̈ܗܝ.
13 ܐܝܼܢܵܐ ܡܵܪܝܵܐ ܟܹܐ ܓܵܚܹܟ ܒܝܼܹܗ، ܣܵܒܵܒ ܚܙܹܐ ܠܹܗ ܕܒܸܬ ܐܵܬܹܐ ܝܵܘܡܹܗ.
14 ܣܲܝܦܵܐ ܓܪܝܼܫ ܠܗܘܿܢ ܪ̈ܲܫܝܼܥܹܐ، ܘܡܬܝܼܚ ܠܗܘܿܢ ܩܸܫܬܵܝܗܝ، ܠܡܲܢܦܘܼܠܹܐ ܡܸܣܟܹܢܵܐ ܘܣܢܝܼܩܵܐ، ܠܸܩܛܵܠܵܐ ܠܬܪ̈ܘܼܨܹܐ ܕܐܘܼܪܚܵܐ.
15 ܣܲܝܦܵܝܗܝ ܒܸܬ ܥܵܒܹܪ ܒܠܸܒܵܝܗܝ، ܘܩܸܫܬܵܬܵܝ̈ܗܝ ܒܸܬ ܦܵܝܫܝܼ ܬܒ݂ܝܼܪܹܐ.
16 ܡܸܢܕܝܼ ܩܲܠܝܼܠܔ ܕܙܲܕܝܼܩܵܐ ܒܘܼܫ ܨܦܵܝܝܼ ܝܠܹܗ ܡ̣ܢ ܥܘܼܬܪܵܐ ܕܪ̈ܲܫܝܼܥܹܐ ܪܵܒܵܐ.
